As-Sajda
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَلَقَدْ ءَاتَيْنَا مُوسَى ٱلْكِتَـٰبَ فَلَا تَكُن فِى مِرْيَةٍ مِّن لِّقَآئِهِۦ ۖ وَجَعَلْنَـٰهُ هُدًى لِّبَنِىٓ إِسْرَٰٓءِيلَ 23
{23} Mwenyezi Mungu Mtukufu alipozitaja Aya zake alizowakumbusha nazo waja wake, nazo ni Qur-ani aliyomteremshia Muhammad – rehema na amani za Mwenyezi Mungu ziwe juu yake – akataja kuwa hiki si katika Vitabu vya kwanza, na wala yule aliyekileta pia ni mgeni miongoni mwa Mitume. Kwani, Mwenyezi Mungu "alimpa Musa Kitabu" ambacho ni Taurati, ambacho kimeisadikisha Qur-ani, na ambacho Qur'ani imekisadikisha, kwa hivyo haki iliyo katika viwili hivyo ikafanana, na ikathibiti hoja ya viwili hivyo. "Basi usiwe na shaka kuwa kakipokea." Kwa sababu zimekwisha dhihiri hoja za haki na ushahidi wake wa wazi, basi siyo kitu cha kuwa na shaka nacho. "Na tukakifanya;" yaani, Kitabu tulichompa Musa "kuwa ni uwongofu kwa Wana wa Israili," ili waongoke kwacho katika misingi ya dini yao, na matawi yake na sheria zake ni kwa mujibu wa zama hizo katika Wana wa Israili. Na ama Qur-ani hii Tukufu, Mwenyezi Mungu aliifanya kuwa uwongofu kwa viumbe vyote katika mambo ya Dini yao na mambo yao ya dunia yao mpaka Siku ya Kiyama. Na hilo ni kwa sababu ya ukamilifu wake na kutukuka kwake. "Na hakika, hiyo imo katika Asili ya Maandiko yaliyoko kwetu, ni tukufu na yenye hekima."