Al-Ankaboot
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَيَسْتَعْجِلُونَكَ بِٱلْعَذَابِ ۚ وَلَوْلَآ أَجَلٌ مُّسَمًّى لَّجَآءَهُمُ ٱلْعَذَابُ وَلَيَأْتِيَنَّهُم بَغْتَةً وَهُمْ لَا يَشْعُرُونَ 53
{53} Mwenyezi Mungu Mtukufu anajulisha juu ya ujinga wa wale wanaomkadhibisha Mtume na yale aliyokuja nayo, na kwamba wanasema kwa njia ya kutaka adhabu ishuke haraka na kwa njia ya kukadhibisha; "Ni lini ahadi hii, ikiwa nyinyi ni wakweli?" Mwenyezi Mungu Mtukufu anasema, "Na lau kuwa hapana wakati maalumu uliowekwa;" na ambao bado haujafika, "basi adhabu ingeliwajia" kwa sababu ya kuona kwao kwamba hatuna uwezo wa hilo na kwa sababu ya kukakadhibisha kwao haki. Na kama tungewaadhibu kwa ujinga wao, basi maneno yao hayo yangewasababishia mateso na adhabu ya haraka zaidi, lakini pamoja na hayo; wasione kwamba kuteremka kwake kuko mbali sana, kwani itawajia tu "kwa ghafla ilhali wao hawana habari." Kisha ilitokea, kama Mwenyezi Mungu Mtukufu alivyowaambia, walipokuja huko Badr kwa kiburi na kujifahirisha, wakidhani kwamba wana uwezo juu ya makusudi yao. Kwa hivyo Mwenyezi Mungu akawaangamiza na wakubwa wao wakauawa, na hayo yakawa yamewapata wengi wa wakuu wao, na hakuna nyumba iliyobakia miongoni mwao isipokuwa msiba huo uliikumba. Basi ikawa imewajia kutokea ambapo hawakutarajia, na ikawafika ilhali hawaihisi.