Al-Muminoon
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَٱلَّذِينَ هُمْ لِأَمَـٰنَـٰتِهِمْ وَعَهْدِهِمْ رَٰعُونَ 8
{8} "Na ambao wanazitunza amana zao na ahadi zao;" na wanafanya bidii kubwa kuzitekeleza. Na hili ni jumla katika amana zote ambazo ni haki ya Mwenyezi Mungu, na ambazo ni haki za waja wake. Mwenyezi Mungu Mtukufu amesema, "Kwa hakika Sisi tulikadimisha amana kwa mbingu na ardhi na milima; na vyote hivyo vikakataa kuichukua na vikaogopa. Lakini mwanadamu akaichukua. "Kwa hivyo, yote ambayo Mwenyezi Mungu alimwajibishia mja wake ni amana, na ni lazima kwake kuihifadhi kwa kuitekeleza kikamilifu. Na vile vile inaingia katika hilo amana za wanadamu, kama vile amana za mali, siri na mfano wake. Kwa hivyo, ni lazima kwa mja kuzingatia mambo hayo mawili na kutekeleza amana hizo mbili. "Hakika Mwenyezi Mungu anawaamrisha kwamba mzirudishe amana kwa wenyewe." Vile vile agano linajumuisha agano iliyoko kati yao na Mola wao Mlezi, na ile iliyoko kati yao na waja wenzao. Nayo ni majukumu mbalimbali na mikataba ambayo mja anaifunga. Basi ni lazima juu yake kuyatunza na kuyatimiza, na ni haramu kwake kutoyatekeleza vyema na kuyapuuza.