Al-Muminoon
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِنَّكَ لَتَدْعُوهُمْ إِلَىٰ صِرَٰطٍ مُّسْتَقِيمٍ 73 وَإِنَّ ٱلَّذِينَ لَا يُؤْمِنُونَ بِٱلْـَٔاخِرَةِ عَنِ ٱلصِّرَٰطِ لَنَـٰكِبُونَ 74
{73-74} Katika aya hizi tukufu, Mwenyezi Mungu alitaja kila sababu inayopatisha imani, akataja vizuizi, na akabainisha yanayofisadi imani moja baada ya nyingine, na akataja katika vizuizi, kwamba mioyo yao iko katika hofu, na kwamba hawakuzingatia neno, na kwamba waliwafuata baba zao, na kwamba walisema: Mjumbe wao ana wazimu; kama yalivyotangulia maelezo yao. Na alitaja Mola miongoni mwa mambo ya muhimu katika imani yao: Ni kuizingatia Qur-ani, na kupokea neema za Mwenyezi Mungu kwa kuzikubali, na ufahamu wa hali ya Mtume Muhammad- rehema na amani za Mwenyezi Mungu iwe juu yake, - na ukamilifu wa ukweli wake na uaminifu wake, na kwamba yeye hawaombi ujira kwa hayo, na kwamba hakika vitendo vyake ni kwa ajili ya manufaa yao na maslahi yao, na kwamba hayo anayowalingania juu yake ndiyo njia nyoofu, iliyo sahali kwa wafanyao kwa unyoofu wake, inayowasilisha kwa makusudio kwa ukaribu zaidi, iliyo safi na nyepesi; iliyo safi katika tauhidi, nyepesi katika kuitenda; ulinganizi wako kwao katika njia iliyonyooka ni wajibu kwa anayetaka haki kukufuata; kwa sababu ni katika yale yanayoshuhudika kwa akili na maumbile kwa uzuri wake na kuwafikika kwake kwa maslahi; basi wanaenda wapi wasipokufuata wewe? Hakika wao hawana yatayowatajirisha na kuwatosheleza dhidi ya kukufuata wewe Mtume, kwa kuwa wao "katika njia." Wamejitenga, wamejiepusha, wamepotoka katika njia inayofikisha kwa Mwenyezi Mungu na katika nyumba ya karama zake. Hawana katika mikono yao ila upotefu na ujinga, na hivi hivi ndivyo alivyo kila aliyekhalifu haki. Hapana budi ila atakuwa mpotefu katika mambo yake yote. Amesema Mwenyezi Mungu Mtukufu, "Na ikiwa hawakuitikii, basi jua kuwa wanafuata pumbao lao tu. Na nani aliyepotea zaidi kumshinda anayefuata pumbao lake bila ya uwongofu utokao kwa Mwenyezi Mungu."