Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
هُوَ ٱلَّذِى خَلَقَ لَكُم مَّا فِى ٱلْأَرْضِ جَمِيعًا ثُمَّ ٱسْتَوَىٰٓ إِلَى ٱلسَّمَآءِ فَسَوَّىٰهُنَّ سَبْعَ سَمَـٰوَٰتٍ ۚ وَهُوَ بِكُلِّ شَىْءٍ عَلِيمٌ 29
(29) Yani amekuumbieni katika hali ya kuwafanyia wema na rehema vyote vilivyomo katika ardhi kwa manufaa yenu, na starehe na mazingatio. Na katika aya hii tukufu kuna dalili kwamba hali ya asili (kanuni ya msingi) katika vitu ni kwamba vinaruhusiwa na ni safi. Kwa sababu (aya hii) ilisimuliwa katika muktadha wa kuonyesha neema; hivyo machafu yanatoka kwa hili. Kwa sababu uharamu wake unachukuliwa kutokana na maana ya aya hii, na kujua makusudio yake, na kwamba aliviumba kwa manufaa yetu; hivyo lenye madhara lipo nje ya hilo. Na katika ukamilifu wa neema yake ni kwamba alitukataza machafu ili kutusafisha. Na kauli yake: (29) Tena akazielekea mbingu, na akazifanya mbingu saba. Naye ndiye Mjuzi wa kila kitu. (Neno) “Istawa” linatokea katika Qur-ani kwa maana tatu: Mara huivuki kwa msaada wa herufi (harf); hivyo linamaanisha “ukamilifu na utimilifu”, kama katika kauli yake kuhusu Musa: “Na Musa alipofika utu-uzima baraabara” Na mara nyingine linakuwa na maana ya “kuwa juu” na “kuinuka” na hilo ni ikiwa litavukishwa na “alaa (juu)” kama katika kauli Yake Mtukufu “Ar-Rahman (Mwingi wa Rehema) aliyetawala juu ya Kiti cha Enzi” “Ili make vizuri juu ya migongo yao”. Na wakati mwingine linakuwa na maana ya “kukusudia” kama vile linapovukishwa na “ilaa (kuelekea)” kama ilivyo katika aya hii. Yani yeye Mtukufu alipoumba ardhi, akaelekea kuziumba mbingu “na akazifanya mbingu saba.” Basi akaziumba na akaziimarisha na akazifanya vilivyo Naye ndiye Mjuzi wa kila kitu. Kwa hivyo, anayajua yanayoingia katika ardhi na yanayotoka humo, na yanayoteremka kutoka mbinguni, na yanayopanda humo. Na anajua mnayoyaficha na mnayoyatangaza. Anajua siri na kilichofichika zaidi (kuliko siri). Na mara nyingi anaunganisha baina ya uumbaji wake na kuthibitisha elimu yake, kama ilivyo katika aya hii, na kama katika kauli yake: “Asijue aliyeumba, naye ndiye Mjua siri, Mwenye habari?” Kwa kuwa, uumbaji wake wa viumbe ni dalili ya kutosha juu ya elimu yake, hekima yake, na uwezo wake.