Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
يَمْحَقُ ٱللَّهُ ٱلرِّبَوٰا۟ وَيُرْبِى ٱلصَّدَقَـٰتِ ۗ وَٱللَّهُ لَا يُحِبُّ كُلَّ كَفَّارٍ أَثِيمٍ 276
{276} Kisha Mwenyezi Mungu akajulisha kwamba Yeye huyaondolea baraka mapato ya wenye riba, na huzibariki sadaka za wenye kutoa. Kinyume na inavyotangulia kuwajia wengi wa viumbe kwamba kutoa matumizi kunapunguza mali, na kwamba riba inaizidisha. Lakini asili ya riziki na kupata matunda yake ni kutoka kwa Mola Mtukufu. Na kile kilicho kwa Mwenyezi Mungu hakipatikani isipokuwa kwa kumtii Yeye na kufuata amri yake. Kwa hivyo mwenye kujasiri kuingia katika riba, ataadhibiwa kwa kinyume cha makusudio yake. Na hili linashuhudiwa kwa tajiriba. Na ni nani mkweli zaidi kwa usemi kuliko Mwenyezi Mungu. "Na Mwenyezi Mungu hampendi kila mwenye kukufuru, afanyae dhambi." Naye ni yule aliyekufuru neema ya Mwenyezi Mungu, na akaikanusha hisani ya Mola wake Mlezi, na akapata dhambi kwa kuendelea kwake kumuasi. Maana isiyokuwa ya moja kwa moja ya Aya hii ni kwamba Mwenyezi Mungu humpenda kila mwenye kushukuru kwa neema, mwenye kutubia maovu na dhambi. Kisha akaiingiza Aya hii kati ya Aya za riba, nayo ni kauli yake: