Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
ٱلَّذِينَ يَنقُضُونَ عَهْدَ ٱللَّهِ مِنۢ بَعْدِ مِيثَـٰقِهِۦ وَيَقْطَعُونَ مَآ أَمَرَ ٱللَّهُ بِهِۦٓ أَن يُوصَلَ وَيُفْسِدُونَ فِى ٱلْأَرْضِ ۚ أُو۟لَـٰٓئِكَ هُمُ ٱلْخَـٰسِرُونَ 27
Kisha akawaeleza wanaopindukia mipaka, akasema:
(27) “Wanaovunja ahadi ya Mwenyezi Mungu baada ya kwisha ifunga.” Na hili linajumuisha ahadi iliyopo baina yao na Mola wao Mlezi, na ile iliyopo baina yao na viumbe, ambayo aliisisitiza juu yao kwa maagano mazito na wajibu mbalimbali, kisha hawajali hayo maagano; bali wanayavunja na wanaacha amri zake na wanafanya makatazo yake. Na wanavunja ahadi ambazo zipo baina yao na viumbe wengine. “Na wakayakata aliyoamrisha Mwenyezi Mungu kuungwa.” Na hili, yanaingia mambo mengi ndani. Kwa maana Mwenyezi Mungu alituamrisha kuunga yaliyopo kati yetu na Yeye, na kumwamini, na kumuabudu. Na yale yaliyopo kati yetu na Mtume wake, kwa kumwamini, na kumpenda, na kumsaidia, na kumtekelezea haki zake. Na yale yaliyopo kati yetu na wazazi wawili, jamaa, marafiki na viumbe wote kwa kuwatekelezea haki zao ambazo Mwenyezi Mungu aliamrisha kwamba tuziunge. Ama Waumini, wao waliunga yale aliyoamrisha Mwenyezi Mungu kwamba yaungwe katika haki hizi, na wakayatimiza kikamilifu. Na ama wapotovu, wao waliyakata, na wakayatupa nyuma ya migongo yao, wakayabadilisha na upindukiaji mipaka, na kuyakata na kufanya maasia, nayo ni kufanya uharibifu katika ardhi. Basi “hao” ambao hizi ndizo sifa zao “ndio wenye hasara” katika dunia na Akhera. Na akawa amefungamanisha hasara na wao peke yao. Kwa maana, hasara yao inaingia katika kila hali zao; hawana aina yoyote ya faida. Kwa sababu, kila tendo jema sharti lake ni imani. Naye asiyekuwa na imani, hana matendo. Na hasara hii ndiyo hasara ya ukafiri. Na ama hasara ambayo inaweza kuwa ukafiri na inaweza kuwa maasia, na inaweza kuwa kupuuza kwa kuacha yale yanayopendekezwa, ambayo yametajwa katika kauli yake Mwenyezi Mungu Mtukufu: “Hakika mwanadamu bila ya shaka yumo katika hasara”, hii ni jumla katika kila kiumbe; isipokuwa mwenye kusifika na imani na matendo mema; na kuusiana kwa haki na kuusiana subira. Na uhakika wake ni kupoteza heri ambayo mja alikuwa karibu mno kuifanya hali ya kuwa ipo katika uwezo wake.