Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
سَلْ بَنِىٓ إِسْرَٰٓءِيلَ كَمْ ءَاتَيْنَـٰهُم مِّنْ ءَايَةٍۭ بَيِّنَةٍ ۗ وَمَن يُبَدِّلْ نِعْمَةَ ٱللَّهِ مِنۢ بَعْدِ مَا جَآءَتْهُ فَإِنَّ ٱللَّهَ شَدِيدُ ٱلْعِقَابِ 211
(211) Anasema Mwenyezi Mungu Mtukufu “Waulize Wana wa Israili: Tumewapa ishara ngapi zilizo wazi?” Zinazoashiria haki, na ukweli wa Mitume, na wakawa na yakini nazo na kuzijua, lakini hawakuzishukuru neema hizi ambazo zinahitaji kuzitekeleza. Bali walizikufuru na wakabadilisha neema ya Mwenyezi Mungu kwa kufuru, na kwa sababu ya hilo wakastahiki Mwenyezi Mungu kuwateremshia adhabu yake na kuwanyima malipo yake mazuri. Na Mwenyezi Mungu Mtukufu amekuita kukufuru neema kuwa ni kuzibadalisha. Kwa sababu yule ambaye Mwenyezi Mungu amemneemesha neema ya kidini au ya kidunia, naye hakuishukuru, na wala hakutimiza wajibu wake, itampungukia na kwenda zake. Na ikabadilishwa na kufuru na maasia, basi kufuru ikawa badala ya neema. Na ama mwenye kumshukuru Mwenyezi Mungu Mtukufu na akatekeleza haki yake, basi hiyo (neema) itakaa imara na kuendelea, na Mwenyezi Mungu atamzidishia katika hiyo.