Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
لَيْسَ عَلَيْكُمْ جُنَاحٌ أَن تَبْتَغُوا۟ فَضْلًا مِّن رَّبِّكُمْ ۚ فَإِذَآ أَفَضْتُم مِّنْ عَرَفَـٰتٍ فَٱذْكُرُوا۟ ٱللَّهَ عِندَ ٱلْمَشْعَرِ ٱلْحَرَامِ ۖ وَٱذْكُرُوهُ كَمَا هَدَىٰكُمْ وَإِن كُنتُم مِّن قَبْلِهِۦ لَمِنَ ٱلضَّآلِّينَ 198
Mwenyezi Mungu Mtukufu alipoamrisha uchamungu, alijulisha Yeye Mtukufu kwamba kutafuta fadhila ya Mwenyezi Mungu kwa kuchuma katika misimu ya Hija na mingineyo, hakuna ubaya wowote; ikiwa hakutashughulisha na yale ambayo ni ya lazima ikiwa lengo ni kuhiji. Na yakawa hayo mapato ni halali yanayohusishwa na fadhila ya Mwenyezi Mungu, siyo yenye kunasibishwa na ustadi wa mja, na kutegemea sababu tu na kumsahau mwenye kusababisha. Basi huo ndiyo ubaya wenyewe. Na katika kauli yake :“Basi mtakapomiminika kutoka 'Arafat, mtajeni Mwenyezi Mungu katika Mash'aril Haram (eneo takatifu).” Kuna dalili ya mambo: La kwanza: Kusimama ‘Arafa, na kwamba ilikuwa inajulikana kuwa ni nguzo katika nguzo za Hijja. Kwa maana, kumiminika kutoka ‘Arafa hakuwi isipokuwa baada ya kusimama ‘Arafa. La pili: Amri ya kumtaja Mwenyezi Mungu katika Mash’aril Haram, napo ni Muzdalifah. Na hili pia ni maarufu. Analala usiku wa kuamkia (siku ya) kuchinja hapo. Na baada ya swalah ya Alfajiri, atasimama Muzdalifah akiomba dua, mpaka kuangaze sana. Na anaingia katika kumtaja Mwenyezi Mungu hapo, akitekeleza sala za faradhi na za sunna hapo. La tatu: Kusimama Muzdalifah kuko nyuma ya kusimama ‘Arafah, kama inavyoonyeshwa na neno ‘kisha’ na utaratibu (uliopo katika vitendo vya aya). La nne na la tano: Kwamba ‘Arafa na Muzdalifah zote ni katika maeneo takatifu ya Hija yanayokusudiwa kufanywa na kudhihirishwa. La sita: Kwamba Muzdalifah iko katika Haram (eneo takatifu), kama alivyoifunganisha na neno ‘takatifu’. La saba: Kwamba ‘Arafa iko katika eneo lisilokuwa takatifu (Al-Hill), kama inavyofahamika katika maana isiyokuwa ya moja kwa moja katika kufunganisha Muzdalifah na neno ‘takatifu’. “Na mtajeni kama alivyowaongoa, ijapo kabla ya hilo mlikuwa miongoni mwa waliopotea.” Yani mtajeni Mwenyezi Mungu Mtukufu kama alivyowaneemesha kwa uwongofu baada ya upotovu, na kama alivyowafundisha yale ambayo hamkuwa mnayajua. Na hii ni katika neema kubwa mno ambazo kuu ni lazima kuzishukuru na kuzikabili kwa kumtaja aliyeneemesha kwa moyo na ulimi.