Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
رَبَّنَا وَٱبْعَثْ فِيهِمْ رَسُولًا مِّنْهُمْ يَتْلُوا۟ عَلَيْهِمْ ءَايَـٰتِكَ وَيُعَلِّمُهُمُ ٱلْكِتَـٰبَ وَٱلْحِكْمَةَ وَيُزَكِّيهِمْ ۚ إِنَّكَ أَنتَ ٱلْعَزِيزُ ٱلْحَكِيمُ 129
(129) "Ewe Mola Mlezi wetu! Waletee kati yao," yani katika kizazi chetu "Mtume anaye tokana na wao" ili liwe la kuinua zaidi daraja zao; na ili waweze kumfuata, na ili wamjue hakika ya kumjua. "Awasomee Aya zako" kwa maneno, kuhifadhi, na kuhifadhisha "na awafundishe Kitabu na hekima" kimaana "na awatakase." Kwa kuwalea juu ya matendo mema, na kuwa mbali na matendo maovu ambayo nafsi hazitakasiki pamoja nayo. "Hakika Wewe, ndiye Mwenye nguvu," yani mwenye nguvu za kushinda kila kitu, ambaye hakiizuii nguvu zake chochote "Mwenye hekima." Ambaye huweka vitu pahali pake. Basi kwa Nguvu zako na hekima yako, mtume huyu mtume kati yao. Mwenyezi Mungu akawaitikia. Kwa hivyo, Mwenyezi Mungu akamtuma Mtume huyu mtukufu ambaye kupitia kwake Mwenyezi Mungu aliirehemu dhuria yao wawili hasa, na viumbe vingine vyote kwa ujumla. Na kwa sababu hiyo, akasema, rehema na amani ziwe juu yake, “Mimi ni dua ya baba yangu Ibrahim."