Al-Baqara
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَلَن تَرْضَىٰ عَنكَ ٱلْيَهُودُ وَلَا ٱلنَّصَـٰرَىٰ حَتَّىٰ تَتَّبِعَ مِلَّتَهُمْ ۗ قُلْ إِنَّ هُدَى ٱللَّهِ هُوَ ٱلْهُدَىٰ ۗ وَلَئِنِ ٱتَّبَعْتَ أَهْوَآءَهُم بَعْدَ ٱلَّذِى جَآءَكَ مِنَ ٱلْعِلْمِ ۙ مَا لَكَ مِنَ ٱللَّهِ مِن وَلِىٍّ وَلَا نَصِيرٍ 120
(120) Mwenyezi Mungu anamfahamisha Mtume wake kwamba Mayahudi wala Manaswara hawawi radhi naye isipokuwa kwa kufuata yeye dini yao. Kwa sababu, wao ni walinganizi kwa dini waliyo nayo, wakidai kuwa ndiyo uwongofu. Basi waambie "Hakika uwongofu wa Mwenyezi Mungu" ambao nimetumwa nao "ndio uwongofu." Na ama yale mliyo nayo, hayo ni matamanio tu, kwa dalili ya kauli yake: "Na kama ukifuata matamanio yao baada ya yale yaliyokujia katika elimu, hutapata mlinzi wala msaidizi kando na Mwenyezi Mungu." Na hili lina katazo kubwa la kufuata matamanio ya Mayahudi na Wakristo, na kuwaiga katika yale ambayo ni mahususi kwa dini yao. Na ijapokuwa kauli (hii) ni ya Mtume wa Mwenyezi Mungu - rehema na amani ziwe juu yake, - umma wake unaingia katika hayo. Kwa sababu, mazingatio ni katika ujumla wa maana, na sio katika umaalumu wa anayeambiwa. Kama vile mazingatio ni katika ujumla wa tamko, na sio katika umahususi wa sababu.