Al-Israa
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
عَسَىٰ رَبُّكُمْ أَن يَرْحَمَكُمْ ۚ وَإِنْ عُدتُّمْ عُدْنَا ۘ وَجَعَلْنَا جَهَنَّمَ لِلْكَـٰفِرِينَ حَصِيرًا 8
{8}"Huenda Mola wenu Mlezi akawarehemu." Kwa hivyo aliwarudishia zamu dhidi yao. Basi akawarehemu na akawarudishia zamu lakini akawatishia kwamba wasiasi. Akasema, "na mkirudia" katika kufanya uharibifu katika ardhi, "tutarudia" kuwaadhibu. Kwa hivyo, wakalirudia hilo. Basi Mwenyezi Mungu akampa mamlaka Mtume wake Muhammad - rehema na amani za Mwenyezi Mungu ziwe juu yake - dhidi yao na Mwenyezi Mungu akawaadhibu kwa yeye. Haya ndiyo malipo ya duniani. Na ama adhabu iliyo mbele ya Mwenyezi Mungu ni kubwa na mbaya zaidi. Na kwa sababu hii akasema, "Na tumeifanya Jahannam kuwa ni gereza kwa ajili ya makafiri." Wataingia na kukaa humo na hawatatoka humo kamwe. Katika aya hizi, kuna onyo kwa umma huu juu ya kufanya maasia, ili wasipatwe na yale yaliyowapata Wana wa Israili. Kwa maana, desturi ya Mwenyezi Mungu ni moja, haibadiliki wala haigeuki. Na mwenye kutazama namna makafiri na madhalimu wamepewa mamlaka juu ya Waislamu, atatambua kuwa yote hayo ni kwa sababu ya madhambi yao, na hilo ni ili iwe ni adhabu kwao. Na kwamba wakisimamisha Kitabu cha Mwenyezi Mungu na Sunnah ya Mtume wake, atawaimarisha katika ardhi na atawasaidia dhidi ya maadui zao.