Al-Israa
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
وَإِن كَادُوا۟ لَيَفْتِنُونَكَ عَنِ ٱلَّذِىٓ أَوْحَيْنَآ إِلَيْكَ لِتَفْتَرِىَ عَلَيْنَا غَيْرَهُۥ ۖ وَإِذًا لَّٱتَّخَذُوكَ خَلِيلًا 73
{73} Yeye Mtukufu anataja neema yake kwa Mtume wake Muhammad – rehema na amani za Mwenyezi Mungu ziwe juu yake – na kumhifadhi kwake kutokana na maadui zake ambao walikuwa na bidii ya kumjaribu kwa kila njia. Akasema, "Na hakika walikaribia kukushawishi uache hayo tuliyokufunulia ili utuzulie mengineyo." Yaani, walikupangia jambo baya ambalo hawakufanikiwa kulifikia, na wakakuhadaa ili umzulie Mwenyezi Mungu mambo ambayo hakukuteremshia, ili useme yale yanayoafikiana na matamanio yao, na uyaache yale aliyokuteremshia Mwenyezi Mungu. "Na hapo" lau ungefanya yale wanayotamani, "ndipo wangelikufanya mwandani" na kipenzi zaidi kwao kuliko wapenzi wao, kwa sababu ya maadili mema na tabia njema alizokuumba nazo Mwenyezi Mungu, ambazo zinamvutia walio karibu na walio mbali, rafiki na adui. Lakini ujue ya kwamba hawakukufanyia uadui na kukukanusha kwa uadui, isipokuwa kwa sababu ya haki ambayo ulikuja nayo, si kwa ajili yako mwenyewe, kama alivyosema Mwenyezi Mungu Mtukufu, “Hakika tunajua ya kwamba yanakuhuzunisha hayo wanayoyasema. Basi hakika wao hawakukadhibishi wewe, lakini hao madhalimu wanazikataa Ishara za Mwenyezi Mungu."