Al-Israa
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
ذَٰلِكَ مِمَّآ أَوْحَىٰٓ إِلَيْكَ رَبُّكَ مِنَ ٱلْحِكْمَةِ ۗ وَلَا تَجْعَلْ مَعَ ٱللَّهِ إِلَـٰهًا ءَاخَرَ فَتُلْقَىٰ فِى جَهَنَّمَ مَلُومًا مَّدْحُورًا 39
{39} "Hayo" ambayo tumeyaelezea na kuyaweza wazi miongoni mwa hukumu hizi kubwa, "ni katika hekima alizokufunulia Mola wako Mlezi." Kwa maana, hekima ni kuamrisha matendo mazuri na tabia nzuri, na kukataza tabia duni na matendo mabaya. Matendo haya yaliyotajwa katika Aya hizi ni katika hekima ya juu ambayo Mola Mlezi wa walimwengu wote alimfunulia bwana wa Mitume wote katika kitabu kitukufu zaidi, ili awaamuru hayo umma bora zaidi. Na hayo ni katika hekima ambayo mwenye kupewa, basi hakika amepewa heri nyingi. Kisha akazihitimisha Aya hizi kwa kukataza kumuabudu asiyekuwa Mwenyezi Mungu kama alivyozifungua kwa hilo, akasema, "Wala usimweke pamoja na Mwenyezi Mungu mungu mwengine, ukaja ukatupwa katika Jahannamu." Yaani, ukadumu humo. Kwa maana, mwenye kumshirikisha Mwenyezi Mungu, basi hakika Mwenyezi Mungu ameshamharamishia Pepo, na mahali pake ni Motoni. "Ukilaumiwa na kufurushwa;" yaani, utafuatwa na lawama, na laana, na kashfa kutoka kwa Mwenyezi Mungu, Malaika wake, na watu wote.