An-Nahl
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
تَٱللَّهِ لَقَدْ أَرْسَلْنَآ إِلَىٰٓ أُمَمٍ مِّن قَبْلِكَ فَزَيَّنَ لَهُمُ ٱلشَّيْطَـٰنُ أَعْمَـٰلَهُمْ فَهُوَ وَلِيُّهُمُ ٱلْيَوْمَ وَلَهُمْ عَذَابٌ أَلِيمٌ 63 وَمَآ أَنزَلْنَا عَلَيْكَ ٱلْكِتَـٰبَ إِلَّا لِتُبَيِّنَ لَهُمُ ٱلَّذِى ٱخْتَلَفُوا۟ فِيهِ ۙ وَهُدًى وَرَحْمَةً لِّقَوْمٍ يُؤْمِنُونَ 64
{63} Yeye Mtukufu alimbainishia Mtume wake - rehema na amani za Mwenyezi Mungu ziwe juu yake - kwamba yeye si Mtume wa kwanza kukadhibiwa, akasema yeye Mtukufu, "Tallahi! Hakika tuliwatuma Mitume kwa umma zilizokuwa kabla yako" ili wawalinganie kumpwekesha Mwenyezi Mungu, "lakini Shetani akawapambia matendo yao;" kwa hivyo wakawakadhibisha Mitume hao, na wakadai kwamba hayo wanayofanya ndiyo haki inakayowaokoa kutokana na kila kichukizacho, na kwamba kile ambacho Mitume walilingania ni kinyume na hayo. Kwa hivyo, Shetani alipowapambia matendo yao, akawa yeye ndiye "kipenzi chao msaidizi" katika dunia, wakamtii, wakamfuata na wakamfanya kuwa kipenzi chao. "Je, mnafanya yeye na dhuria zake kuwa wapenzi wasaidizi wenu badala yangu, ilhali wao ni adui zenu? Ni mbaya mno badala hii ya madhalimu." "Nao wana adhabu chungu" Akhera, kwa maana waliacha kumfanya Mwingi wa rehema kuwa ndiye kipenzi msaidizi wao na wakaridhia kumfanya Shetani kuwa ndiye kipenzi msaidizi wao, kwa hivyo walistahili adhabu ya kudunisha kwa sababu ya hilo.