Ibrahim
Hii ni tarjama ya tafsiri ya as-Saʿdī kama IslamHouse.com inavyoichapisha katika saadi.islamenc.com, iliyosomwa kutoka kurasa za tovuti hiyo. Tovuti haisemi ni nani aliyeitafsiri kwa lugha nyingine wala inafuata toleo gani lililochapishwa, na haitaji masharti ya kuchukua matini yake, kwa hiyo haki ya kuionyesha haijathibitishwa. Hakuna aliyeilinganisha na kitabu kilichochapishwa, na hakuna mwanazuoni aliyeihakiki. Kila kifungu kipo kando ya aya inazozifafanua, ambazo ni matini ya Qur’ani ya Tanzil, inavyoonekana huko; aya ambayo tovuti haitoi ufafanuzi wake yenyewe inakaa pamoja na kifungu kilichotangulia, na faharasa inataja kila aya ya aina hiyo. Sabīl haikuandika wala kutafsiri kwa lugha nyingine chochote kati yake.
Maandishi kutokasaadi.islamenc.comIslamHouse.comnone stated (the site names no licence and no terms for taking its text)ilichukuliwa 2026-10-22
ٱلَّذِينَ يَسْتَحِبُّونَ ٱلْحَيَوٰةَ ٱلدُّنْيَا عَلَى ٱلْـَٔاخِرَةِ وَيَصُدُّونَ عَن سَبِيلِ ٱللَّهِ وَيَبْغُونَهَا عِوَجًا ۚ أُو۟لَـٰٓئِكَ فِى ضَلَـٰلٍۭ بَعِيدٍ 3
{3} Kisha akawaeleza kuwa wao ndio wale wanaopendelea "uhai wa dunia hii kuliko Akhera" wakauridhia, na wakatulia, na wakaisahau nyumba ya Akhera. "Na wanawazuilia watu wasifuate Njia ya Mwenyezi Mungu" aliyowawekea waja wake, na akaibainisha katika Vitabu vyake na juu ya ndimi za Mitume wake. Basi watu hawa walimkataa Mola wao kwa ukaidi na vita. "Na wanaitakia" Njia hiyo ya mwenyezi Mungu "ijipinde;" yaani, wanafanya bidii katika kuichanganya na kuifanya kuwa mbovu ili kuwatenga watu nayo, lakini Mwenyezi Mungu anakataa isipokuwa kuikamilisha nuru yake, hata kama makafiri wataichukia. "Hao' waliotajwa maelezo yao “wako katika upotevu wa mbali” kwa sababu wao wenyewe walipotea, na wakawapoteza wengine, na wakampinga Mwenyezi Mungu na Mtume wake, na wakapigana vita nao. Basi ni upotofu gani ulio mbali zaidi kuliko huu? Na ama watu wa imani, wao wako kinyume na hawa. Wao wanamuamini Mwenyezi Mungu na ishara zake, na wanapendelea akhera kuliko dunia, na wanalingania katika njia ya Mwenyezi Mungu, na wanaifanya kuwa nzuri namna wawezavyo, na wanabainisha unyoofu wake.