At-Tawba
Kani waa tarjumaad tafsiirka as-Saʿdī sida IslamHouse.com ugu daabacdo saadi.islamenc.com, oo laga akhriyay bogagga goobtaas. Goobtu ma sheegayso cidda tarjuntay ama daabacaadda la daabacay ee ay raacayso, mana sheegayso shuruudo qaadashada qoraalkeeda ah, sidaas darteed xaqa muujinteeda lama xaqiijin. Qofna ma barbardhigin buug la daabacay, aqoonyahanna ma dib u eegin. Qayb kasta waxay ag taagan tahay aayadaha ay ka hadlayso, kuwaas oo ah qoraalka Quraanka ee Tanzil, sida uu ugu yaal halkaas; aayad goobtu aanay faallo u gaar ah ka bixin waxay la taagan tahay qaybta ka horraysa, tusmaduna waxay magacaabaysaa aayad kasta oo caynkaas ah. Sabīl wax ka mid ah ma qorin, mana tarjumin.
Qoraalka waxaa laga helaysaadi.islamenc.comIslamHouse.comnone stated (the site names no licence and no terms for taking its text)la qaaday 2026-10-22
يَحْلِفُونَ لَكُمْ لِتَرْضَوْا۟ عَنْهُمْ ۖ فَإِن تَرْضَوْا۟ عَنْهُمْ فَإِنَّ ٱللَّهَ لَا يَرْضَىٰ عَنِ ٱلْقَوْمِ ٱلْفَـٰسِقِينَ 96
{96} Na kauli yake: "Wanawaapia ili muwe radhi nao." Yaani, wao pia wana lengo hili lingine kutoka kwenu, zaidi ya kugeuka tu, bali wanapenda kwamba muwe radhi nao kana kwamba hawakufanya lolote. "Lakini hata mkiwa radhi nao nyiye, basi hakika Mwenyezi Mungu hawi radhi na kaumu wavukao mipaka.” Yaani, Enyi Waumini, haiwafailii muwe radhi na yule ambaye Mwenyezi Mungu hana radhi naye. Bali ni juu yenu muwafikiane na Mola wenu Mlezi katika ridhaa yake na ghadhabu yake. Na tafakari namna alivyosema: "Basi hakika Mwenyezi Mungu hawi radhi na kaumu wavukao mipaka.” Wala hakusema: basi hakika Mwenyezi Mungu hawi radhi nao, ili hilo liashirie kwamba mlango wa toba uko wazi, na kwamba haijalishi wao au wengine wanatubu kiasi gani; kwani Mwenyezi Mungu atawakubalia toba na atakuwa radhi nao. Na ama maadamu wanavuka mipaka, basi hakika Mwenyezi Mungu hawi radhi nao, kwa sababu ya kuwepo kizuizi dhidi ya ridhaa yake, nako ni kutoka kwao katika yale aliyoyaridhia Mwenyezi Mungu miongoni mwa imani na utiifu hadi kwenye yale yanayomkasirisha miongoni mwa ushirikina, na unafiki, na maasia. Na jumla ya aliyoyataja Mwenyezi Mungu ni kuwa wanafiki wanaosalia nyuma ya kwenda katika jihadi bila ya udhuru, wakiwatolea waumini udhuru na wakadai kuwa wana udhuru wa kusalia nyuma kwao, basi wanafiki wanataka kwa hilo kwamba muwe radhi nao na mkubali udhuru wao. Ama kuwakubalia udhuru wao na kuwa radhi nao, basi hakuna upendo wala heshima kwao. Na ama kujiepusha nao, Basi Waumini wajiepushe nao kama wanavyojiepusha na mambo maovu na machafu. Na katika aya hizi, kuna uthibitisho wa kuzungumza kwa Mwenyezi Mungu Mtukufu katika kauli Yake "Mwenyezi Mungu ametujulisha habari zenu." Na uthibitisho wa vitendo vya Mwenyezi Mungu vinavyotokea kwa kutaka na uwezo wake ni katika hili na katika kauli yake: "Mwenyezi Mungu amekwisha tujulisha habari zenu” na kuthibitisha vitendo vya hiari kwa Mwenyezi Mungu vinavyotokea kwa kutaka kwake na majaliwa yake. Na katika kauli yake hii “Na Mwenyezi Mungu na Mtume wake wataviona vitendo vyenu;” alijulisha kwamba ataviona baada ya kutokea kwake. Na pia ndani yake kuna kuthibitisha kuwaridhia Mwenyezi Mungu waumini na kuwakasirikia wanafiki.