At-Tawba
Kani waa tarjumaad tafsiirka as-Saʿdī sida IslamHouse.com ugu daabacdo saadi.islamenc.com, oo laga akhriyay bogagga goobtaas. Goobtu ma sheegayso cidda tarjuntay ama daabacaadda la daabacay ee ay raacayso, mana sheegayso shuruudo qaadashada qoraalkeeda ah, sidaas darteed xaqa muujinteeda lama xaqiijin. Qofna ma barbardhigin buug la daabacay, aqoonyahanna ma dib u eegin. Qayb kasta waxay ag taagan tahay aayadaha ay ka hadlayso, kuwaas oo ah qoraalka Quraanka ee Tanzil, sida uu ugu yaal halkaas; aayad goobtu aanay faallo u gaar ah ka bixin waxay la taagan tahay qaybta ka horraysa, tusmaduna waxay magacaabaysaa aayad kasta oo caynkaas ah. Sabīl wax ka mid ah ma qorin, mana tarjumin.
Qoraalka waxaa laga helaysaadi.islamenc.comIslamHouse.comnone stated (the site names no licence and no terms for taking its text)la qaaday 2026-10-22
ٱلتَّـٰٓئِبُونَ ٱلْعَـٰبِدُونَ ٱلْحَـٰمِدُونَ ٱلسَّـٰٓئِحُونَ ٱلرَّٰكِعُونَ ٱلسَّـٰجِدُونَ ٱلْـَٔامِرُونَ بِٱلْمَعْرُوفِ وَٱلنَّاهُونَ عَنِ ٱلْمُنكَرِ وَٱلْحَـٰفِظُونَ لِحُدُودِ ٱللَّهِ ۗ وَبَشِّرِ ٱلْمُؤْمِنِينَ 112
{112} Ni kana kwamba ilisemwa: Ni nani hao Waumini ambao wana bishara njema kutoka kwa Mwenyezi Mungu kwamba wataingia Peponi na kupata utukufu? Akasema: “Wale wanaotubia;” yaani, wale wanaoshikamana na toba katika kila wakati juu ya mabaya yote. "Wanaoabudu;” yaani, wale ambao wana sifa ya uja kwa Mwenyezi Mungu na kuendelea kumtii kwa kutekeleza wajibu mbalimbali na matendo yanayopendekenzwa katika kila wakati, na kwa hayo anakuwa mja miongoni mwa wanaoabudu. “Wanaomhimidi” Mwenyezi Mungu katika nyakati za heri, nyakati mbaya, katika wepesi na dhiki, wale wanaozikiri neema za Mwenyezi Mungu zilizo juu yao, za wazi na zilizofichika, na wanamsifu Mwenyezi Mungu kwa kuzitaja, na kumtaja katika nyakati za usiku na mchana. "Wanaokimbilia heri;” yaani, wanaofunga saumu, au wale wanaosafiri kwa ajili ya kutafuta elimu. Na pia ilitafsiriwa kwamba maana yake ni moyo kuingia katika kumjua Mwenyezi Mungu, na kumpenda, na kumrudia Yeye daima. Na maana sahihi yake ni kusafiri kwa ajili ya kwenda kufanya mambo ya kujikurubisha nao kwa Mwenyezi Mungu, kama vile Hijja, na Umra, na Jihad, na kutafuta elimu, na kuwaunga jamaa na mfano wake. "Wanaorukuu, wanaosujudu;” yaani, wanaoswali kwa wingi, ambalo linajumuisha kurukuu na kusujudu. “Wanaoamrisha mema;” na zinaingia katika hilo wajibu zote. "Na wanaokataza maovu;" nayo ni yote aliyoyakataza Mwenyezi Mungu na Mtume wake. "Na wanaolinda mipaka ya Mwenyezi Mungu” kwa kujifunza mipaka ya yale aliyoyateremsha Mwenyezi Mungu kwa Mtume wake, na yale yanayoingia katika maamrisho, na makatazo, na hukumu mbalimbali, na yale yasiyoingia ndani yake, wale wanaodumu kwayo kwa kufanya na kuacha na kutokuwepo. "Na wabashirie Waumini." Hakutaja kile wanachobashiria ili yaingie humo yale yote yaliyofungamanishwa na imani miongoni mwa thawabu za dunia hii, na dini, na akhera. Na bishara hiyo inamjumuisha kila Muumini. Lakini kiwango chake na sifa yake, basi hayo ni kulingana na hali ya waumini na imani yao, kinguvu na kiudhaifu wao, na kwa kutenda ipasavyo.