Al-Anfaal
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
فَلَمْ تَقْتُلُوهُمْ وَلَـٰكِنَّ ٱللَّهَ قَتَلَهُمْ ۚ وَمَا رَمَيْتَ إِذْ رَمَيْتَ وَلَـٰكِنَّ ٱللَّهَ رَمَىٰ ۚ وَلِيُبْلِىَ ٱلْمُؤْمِنِينَ مِنْهُ بَلَآءً حَسَنًا ۚ إِنَّ ٱللَّهَ سَمِيعٌ عَلِيمٌ 17
{17} Yeye Mtukufu Anasema Mwenyezi Mungu Mtukufu waliposhindwa washirikina siku ya Badr na Waislamu wakawaua: "Hamkuwaua nyinyi" kwa uwezo wenu na nguvu zenu, "Lakini Mwenyezi Mungu ndiye aliyewaua;" aliwasaidia juu ya hilo kwa yale yaliyotangulia kutajwa hapo awali. "Nawe hukutupa ulipotupa, lakini Mwenyezi Mungu ndiye aliyetupa." Na hiyo ni kwa sababu Nabii -Rehema na Amani zimshukie - wakati wa kupigana vita aliingia katika Al-Ariish (hema) na akaanza kumuomba Mwenyezi Mungu na kumsihi kwa ajili ya ushindi wake, kisha akatoka humo na akachukua mkono mzima wa udongo na akaurusha kwenye nyuso za washirikina, na Mwenyezi Mungu akaufikisha kwenye nyuso zao. Basi hakubaki hata mmoja miongoni mwao isipokuwa alisibu uso wake, na mdomo wake, na macho yake kwa huo. Na hapo ukali wao ukavunjika, na nguvu zao zikadhoofika, na kushindwa na udhaifu ukabainika ndani yao, kwa hivyo wakashindika. Yeye Mtukufu anamwambia Nabii wake, “Si kwa nguvu zako ulipotupa udongo uliufikisha katika macho pao, bali tuliufikisha kwao kwa nguvu zetu na uwezo wetu. "Na ili awajaribu Waumini majaribio mazuri kutoka kwake;" yaani, hakika Mwenyezi Mungu Mtukufu anaweza kuwanusuru Waumini kutoka kwa makafiri bila ya kupigana vita moja kwa moja, lakini Mwenyezi Mungu alitaka kuwapa mtihani Waumini na kuwafikisha kwa jihadi katika daraja na vyeo vya juu zaidi, na awape malipo mazuri na thawabu nyingi. "Hakika Mwenyezi Mungu ni Mwenye kusikia vyema, Mwenye kujua yote." Yeye Mtukufu anayasikia aliyofanya mja kwa siri na yale aliyofanya wazi wazi, na anayajua yale yaliyomo katika moyo wake miongoni mwa nia njema na kinyume chake, basi anawaandikia waja majaliwa yanayowiana na elimu yake, na hekima yake, na masilahi ya waja wake, na anamlipa kila mmoja kwa nia yake na matendo yake.