Al-Anfaal
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَمَن يُوَلِّهِمْ يَوْمَئِذٍ دُبُرَهُۥٓ إِلَّا مُتَحَرِّفًا لِّقِتَالٍ أَوْ مُتَحَيِّزًا إِلَىٰ فِئَةٍ فَقَدْ بَآءَ بِغَضَبٍ مِّنَ ٱللَّهِ وَمَأْوَىٰهُ جَهَنَّمُ ۖ وَبِئْسَ ٱلْمَصِيرُ 16
{16} "Na atakayewageuzia mgongo wake siku hiyo, isipokuwa kwa mbinu za vita au kuungana na kikosi, basi hakika atakuwa amekwisha rudi na ghadhabu ya Mwenyezi Mungu. Na pahali pake." Yaani, makazi yake ni "Jahannam, na ni pahali pabaya zaidi pa kuishia." Na hili linaashiria kwamba kukimbia kutoka safu za vita bila udhuru ni katika madhambi makubwa zaidi. Kama ilivyokuja hivyo katika hadithi mbalimbali sahihi, na kama alivyotaja hapa moja kwa moja ahadi ya adhabu kali juu yake. Na maana isiyokuwa ya moja kwa moja ya Aya hii ni kwamba mwenye kupinduka kwa ajili ya mbinu za kupigana vita – naye ni yule anayepinduka kutoka upande mmoja kwenda mwingine ili aweze kupigana na kumteka zaidi adui yake, - basi huyo hana ubaya wowote juu yake katika hilo. Kwa sababu hakupeana mgongo wake ili kukimbia, bali aliupeana mgongo wake ili kupata nguvu juu ya adui yake, au kumjia kutokea mahali ambapo atamshambulia bila kujua au kumhadaa kwa hilo, au yasiyokuwa hayo miongoni mwa makusudio ya wapiganaji. Na kwamba mwenye kuungana na kikosi chenye kumzuia na kumsaidia kupigana na makafiri, basi hilo linaruhusiwa. Kwa hivyo ikiwa kikundi hicho kiko katika jeshi, basi jambo katika hili liko wazi. Na kama kikundi hicho kiko katika pahali ambapo si pa vita hivyo, kama vile kushindwa kwa Waislamu mikononi mwa makafiri na kukimbilia kwao katika mji miongoni mwa miji ya Waislamu au kwenye jeshi jingine la Waislamu, basi imekuwa katika simulizi kutoka katika riwaya za Maswahaba zinazoashiria kuwa jambo hilo linaruhusika. Na pengine hili limefungiwa tu katika hali ikiwa Waislamu watadhani kuwa kushindwa kutakuwa ndiyo natija bora zaidi na kwenye kuwadumisha zaidi. Lakini wakidhani kuwa watawashinda makafiri katika kukaa kwao imara katika vita, basi katika hali hii ni mbali zaidi kwa iwe moja ya hali ambayo inaruhusiwa. Kwa sababu kwa msingi wa hii, kutoroka kulikokatazwa hakuwezi kufikiriwa. Na Aya hii ni ya jumla, na itakuja katika mwisho wa sura hii kuifungia kwa idadi fulani.