Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَمَا قَدَرُوا۟ ٱللَّهَ حَقَّ قَدْرِهِۦٓ إِذْ قَالُوا۟ مَآ أَنزَلَ ٱللَّهُ عَلَىٰ بَشَرٍ مِّن شَىْءٍ ۗ قُلْ مَنْ أَنزَلَ ٱلْكِتَـٰبَ ٱلَّذِى جَآءَ بِهِۦ مُوسَىٰ نُورًا وَهُدًى لِّلنَّاسِ ۖ تَجْعَلُونَهُۥ قَرَاطِيسَ تُبْدُونَهَا وَتُخْفُونَ كَثِيرًا ۖ وَعُلِّمْتُم مَّا لَمْ تَعْلَمُوٓا۟ أَنتُمْ وَلَآ ءَابَآؤُكُمْ ۖ قُلِ ٱللَّهُ ۖ ثُمَّ ذَرْهُمْ فِى خَوْضِهِمْ يَلْعَبُونَ 91
{91} Haya ni kuonyesha ubaya wa yule ambaye aliukataa jumbe miongoni wa Mayahudi na washirikina, na akadai kuwa Mwenyezi Mungu hakuteremsha chochote kwa mwanadamu yeyote. Kwa hivyo, mwenye kusema haya, basi hajamheshimu mwenyezi Mungu haki ya kumheshimu, wala hakumtukuza haki ya kumtukuza. Kwa maana, haya ni kuitusi hekima yake, na ni madai kwamba anawaacha waja wake bila ya kuwajali. Wala hawaamrishi wala hawakatazi, na ni kuikanusha neema kubwa zaidi ambayo Mwenyezi Mungu amewaneemesha kwayo waja wake, ambayo ni ujumbe ambao hakuna njia kwa waja ya kupata furaha, na utukufu, na kufaulu isipokuwa kwa njia hiyo. Basi ni tusi gani kwa Mwenyezi Mungu lililo kubwa zaidi ya hili? "Sema," uwaambie huku ukiwalazimu kukubali ubovu wa maneno yao, na wafanye kukiri kwa yale wanayoyakiri. "Ni nani aliyekiteremsha Kitabu alichokuja nacho Musa?" Nacho ni Taurati tukufu, "huku ikiwa nuru" katika giza mbalimbali ya ujinga, "na uwongofu;" kutoka katika upotovu, na chenye kuongoa kwenye njia iliyonyooka kwa elimu na vitendo, nacho ni Kitabu ambacho kilienea na kutangazika na utajo wake ukajaa nyoyoni na masikioni, mpaka wakawa wanakiandika katika nyaraka, na kukifanyia kama wanavyotaka. Basi Chochote kinachoafikiana na matamanio yao kwacho, wanakionyesha na kukidhihirisha. Na chochote chenye kuhalifu hilo, wanakificha, na hayo ni mengi. "Na mkafundishwa" katika elimu mbalimbali ambazo ni kutokana na Kitabu hicho kitukufu "yale mliyokuwa hamyajui nyinyi wala baba zenu?" Basi ukiwauliza kuhusu ni nani aliyekiteremsha Kitabu hiki kilichoelezwa kwa sifa hizi; basi jibu swali hili na "Sema: Mwenyezi Mungu" ndiye aliyekiteremsha. Na hapo ukweli utakuwa wazi, na kudhihirika kama jua, na hoja itasimama juu yao. "Kisha" ukishawalazimisha kulazimisha huku, "waache wacheze katika porojo lao;" Yaani, waache waingie kwenye batili na wacheze na yale yasiyokuwa na faida mpaka wakutane na siku yao ambayo wanaahidiwa.