Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أُو۟لَـٰٓئِكَ ٱلَّذِينَ هَدَى ٱللَّهُ ۖ فَبِهُدَىٰهُمُ ٱقْتَدِهْ ۗ قُل لَّآ أَسْـَٔلُكُمْ عَلَيْهِ أَجْرًا ۖ إِنْ هُوَ إِلَّا ذِكْرَىٰ لِلْعَـٰلَمِينَ 90
{90} "Hao" waliotajwa "ndio ambao Mwenyezi Mungu amewaongoa. Basi fuata uongofu wao." Yaani, tembea, ewe Mtume mtukufu, nyuma ya Manabii hawa walio bora zaidi, na ufuate mila yao. Naye Nabii - swalah na salamu za Mwenyezi Mungu zimshukie – alitekeleza, na akafuata uwongofu wa Mitume wa kabla yake, na akajumuisha kila ukamilifu ulio ndani yao. Kwa hivyo, zikakusanyika ndani yake fadhila na sifa maalum alizopita kwazo walimwengu wote, na akawa bwana wa Mitume, na imamu wa wachamungu swalah na salamu zimshukie yeye na wote. Kwa kuzingatia mazingatio haya, aliyachukuwa kuwa ushahidi yule aliyeyachukua miongoni mwa Maswahabah juu ya kwamba, Mtume wa Mwenyezi Mungu – Rehema na Amani zimshukie – ndiye mbora wa Mitume wote. "Sema," uwaambie wale walioupa mgongo ulinganizi wako, "Mimi siwaombi ujira wowote juu yake;" yaani, siwaombi gharama, wala mali kama malipo juu ya kuwafikishia kwangu nyinyi na kuwalingania kwangu nyingi, ndiyo iwe katika sababu za kukataa kwenu. Malipo yangu ni kwa Mwenyezi Mungu tu. "Haya si isipokuwa ni ukumbusho kwa walimwengu wote." Wanakumbuka kwayo yale yanayowanufaisha, basi wanayatenda, na yale yanayowadhuru, basi wanayaacha. Na kwayo wanakumbuka kumjua Mola wao Mlezi kwa majina yake na sifa zake. Na wanakumbuka kwayo maadili mema na njia zinazofikisha kwayo, na maadili mabaya na njia zinazofikisha kwayo. Basi kama ukumbusho ni kwa walimwengu wote, unakuwa ndio neema kubwa zaidi ambayo Mwenyezi Mungu aliwaneemesha kwayo; kwa hivyo ni juu yao kuikubali na kushukuru juu yake.