Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَلَا تَطْرُدِ ٱلَّذِينَ يَدْعُونَ رَبَّهُم بِٱلْغَدَوٰةِ وَٱلْعَشِىِّ يُرِيدُونَ وَجْهَهُۥ ۖ مَا عَلَيْكَ مِنْ حِسَابِهِم مِّن شَىْءٍ وَمَا مِنْ حِسَابِكَ عَلَيْهِم مِّن شَىْءٍ فَتَطْرُدَهُمْ فَتَكُونَ مِنَ ٱلظَّـٰلِمِينَ 52
{52} "Wala usiwafukuze wale wanaomwomba Mola Mlezi wao asubuhi na jioni kwa kutaka uso wake." Yaani, usiwafukuze wakuondokee na kutoka katika kukaa pamoja nawe wale wafanyao ibaada, na wenye ikhlasi kwa kutaka kukaa pamoja na wasiokuwa wao, miongoni mwa wale wanaoshikamana na kumuomba Mola wao Mlezi kwa maombi ya ibada kwa dhikri , na Swala, na mfano wake; na dua ya kutaka kitu katika mwanzo wa mchana na mwisho wake, hali ya kuwa wanakusudia kwa hayo uso wa mwenyezi Mungu; na hawana makusudio mengine isipokuwa kusudi hilo tukufu. Basi hawa hawastahiki kufukuzwa na kupewa mgongo. Bali wanastahiki kuwafanya marafiki wandani, na kuwapenda, na kuwasongea, na kuwaleta karibu zaidi. Kwa sababu, wao ndio wateule miongoni mwa viumbe - hata kama ni masikini – wao ni watukufu katika hali halisi, hata kama wao wanadhalilishwa na watu. "Si juu yako hisabu yao hata kidogo, wala hisabu yako si juu yao hata kidogo." Yaani, kila mmoja ana hisabu yake, na ana matendo yake mema na matendo yake mabaya, "hata uwafukuze na uwe miongoni mwa wenye kudhulumu." Na hakika yeye Nabii - swalah ya Mwenyezi Mungu na amani zimshukie - alitekeleza amri hii vikubwa kabisa. Basi akawa wanapoketi masikini miongoni mwa Waumini, anajisubirisha pamoja nao, na anaamiliana nao kwa uzuri, na anawawia laini, na anawaonyesha tabia nzuri, na akawasogeza karibu naye, bali wao walikuwa ndio wengi wa wale waliokuwa katika mkusanyiko wake, Mwenyezi Mungu awe radhi nao. Na ilikuwa Sababu ya kuteremka kwa Aya hizi ni kwamba watu miongoni mwa Maquraishi au miongoni mwa Waarabu walimwambia Nabii - rehema na amani zimshukie:- ikiwa unataka tukuamini wewe na tukufuate, basi mfukuze fulani na fulani – watu miongoni mwa Maswahaba masikini; - kwani sisi hakika tunaona aibu Waarabu kutuona hali ya kuwa tumekaa pamoja na hawa watu masikini. Kwa hivyo, akabebwa na kupenda kwake kuwaona wakisilimu na kumfuata kwao, basi nafsi yake ikamwambia kuhusu hilo, lakini mwenyezi Mungu akamlaumu kwa aya hizi na mfano wake.