Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
وَقَالُوا۟ لَوْلَا نُزِّلَ عَلَيْهِ ءَايَةٌ مِّن رَّبِّهِۦ ۚ قُلْ إِنَّ ٱللَّهَ قَادِرٌ عَلَىٰٓ أَن يُنَزِّلَ ءَايَةً وَلَـٰكِنَّ أَكْثَرَهُمْ لَا يَعْلَمُونَ 37
{37} "Na walisema;" yaani, wale waliomkadhibisha Mtume kwa usugu na ukaidi, "kwa nini hakuteremshiwa muujiza kutoka kwa Mola wake Mlezi?" Wakimaanisha kwa hilo Aya za mapendekezo wanazozipendekeza wao kwa akili zao mbovu na maoni potovu. Kama kauli yao, "Na walisema; Hatutakuamini mpaka ututimbulie chemchem katika ardhi hii. Au uwe na bustani ya mitende na mizabibu, na utupasulie mito kati yake ikimiminika. Au utuangushie mbingu vipande vipande kama ulivyodai; au utuletee Mwenyezi Mungu na Malaika uso kwa uso..." hadi mwisho wa Aya. "Sema" ukiwajibu kauli yao: "Hakika Mwenyezi Mungu ni Muweza wa kuteremsha muujiza." Kwani hakuna upungufu wa kufanya hivyo katika uwezo Wake, vipi na ilhali vitu vyote vinafuata kwa sababu ya nguvu zake, na vinanyenyekea kwa sababu ya mamlaka yake. Lakini wengi wa watu hawajui, na hivyo wao kwa sababu ya ujinga wao na kutojua kwao, wanataka kile ambacho ni shari kwao miongoni mwa ishara ambazo lau zitawajia na wasiziamini, basi wangeharakishiwa adhabu. "Na hapana mnyama yeyote katika ardhi, wala ndege anayepaa kwa mbawa zake mbili, isipokuwa ni umma kama nyinyi. Hatukupuuza chochote katika Kitabu. Kisha kwa Mola wao Mlezi watakusanywa." Na kwa adhabu kama ilivyo ni Sunna ya mwenyezi Mungu ambayo haiwezi kubadilishwa. Na pamoja na hili, ikiwa makusudio yao ni Aya zinazowabainishia Haki na zinazowawekea njia wazi, basi hakika Muhammad - Swalah na salamu zimshukie - alikwisha kuja na kila Aya ya mkato, na hoja iliyo wazi inayoonyesha yale aliyokuja nayo ya haki; kiasi kwamba mja anaweza katika kila suala la dini kupata katika yale aliyoleta ushahidi kadhaa wa kiakili na wa kimaandiko, kiasi kwamba haibaki katika mioyo shaka hata kidogo na kusitasita. Basi ni mwingi wa baraka yule aliyemtuma Mtume wake na uwongofu na dini ya haki, na akaiunga mkono kwa Aya zilizo wazi. Ili mwenye kuangamia aangamie kwa hoja iliyo wazi, na mwenye kubaki hai abaki hai kwa hoja iliyo wazi, na hakika Mwenyezi Mungu ni Mwenye kusikia vyema, Mwenye elimu ya yote.