Al-An'aam
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
إِنَّمَا يَسْتَجِيبُ ٱلَّذِينَ يَسْمَعُونَ ۘ وَٱلْمَوْتَىٰ يَبْعَثُهُمُ ٱللَّهُ ثُمَّ إِلَيْهِ يُرْجَعُونَ 36
Yeye Mtukufu anamwambia Nabii wake rehema na amani ziwe juu yake - "hakika wanoitikia" kulingania kwako, na kuukubali ujumbe wako, na wanafuata amri yako na makatazo yao ni "wale wanaosikia" kwa nyoyo zao yale ya kuwanufaisha, nao ni wale wenye akili na masikio. Na kinachokusudiwa na kusikia hapa ni kusikia kwa moyo na kuitikia; vinginevyo, kusikia kwa masikio tu wanashirikiana katika hilo mwema na muovu. Basi kila anayejukumishwa na sheria tayari hoja ya Mwenyezi Mungu Mtukufu imeshasimama juu yake kwa kusikia Aya zake, na hawakubaki na udhuru wowote wa kutokubali. "Na ama wafu, Mwenyezi Mungu atawafufua, kisha kwake Yeye ndiko watakakorejeshwa." Inawezekana kwamba maana yake ni kinyume cha maana iliyotajwa hapo juu; yaani, walio hai moyoni tu ndio wanaokuitikia. Ama wale waliokufa mioyoni mwao ambao hawaisikii furaha yao na wala hawahisi kitakachowaokoa; wao hawatakuitikia, wala hawatakufuata, na miadi yao ni siku ya Qiyama. Mwenyezi Mungu atawafufua, kisha kwake ndiko watakakorejeshwa. Na inawezekana kwamba kinachokusudiwa na Aya hii ni maana yake ya dhahiri, kwamba Mwenyezi Mungu Mtukufu anasimulia uhakika wa kuwepo kwa Qiyama. Na kwamba atawafufua wafu Siku ya Kiyama, kisha atawapa habari juu ya yale waliyokuwa wakiyafanya. Na inakuwa katika hilo, kuhimiza kumuitikia Mwenyezi Mungu na Mtume wake, na vitishio dhidi ya kutofanya hivyo.