An-Naml
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
فَتَبَسَّمَ ضَاحِكًا مِّن قَوْلِهَا وَقَالَ رَبِّ أَوْزِعْنِىٓ أَنْ أَشْكُرَ نِعْمَتَكَ ٱلَّتِىٓ أَنْعَمْتَ عَلَىَّ وَعَلَىٰ وَٰلِدَىَّ وَأَنْ أَعْمَلَ صَـٰلِحًا تَرْضَىٰهُ وَأَدْخِلْنِى بِرَحْمَتِكَ فِى عِبَادِكَ ٱلصَّـٰلِحِينَ 19
{19} Kwa hivyo Suleiman (amani na baraka ziwe juu yake) akaisikia kauli yake na akaielewa, "Basi (Sulaiman) akatabasamu akacheka kwa neno hili" kwa kufurahia ufasaha wake, ushauri wake na usemi wake mzuri. Na hii ndiyo hali ya manabii, rehema na amani ziwe juu yao. Wao wana adabu kamili, na kushangaa katika mahali pake panapostahili, na kwamba hawacheki isipokuwa kutabasamu tu; kama vile Mtume - rehema na amani za mwenyezi Mungu ziwe juu yake - kilivyokuwa kicheko chake kingi ni kutabasamu tu; kwa maana, kuchekacheka kunaonyesha wepesi wa akili na tabia mbaya. Na kutotabasamu na kustaajabu juu ya mambo ya kushangaza ni katika yale yanayoonyesha tabia mbaya za mtu na kiburi. Na Mitume wametakaswa mbali na hayo. Basi akasema, akimshukuru Mwenyezi Mungu aliyemfikisha katika hali hii: "Ewe Mola wangu Mlezi! Nizindue," na uniwezeshe "niishukuru neema yako uliyonineemesha mimi na wazazi wangu," kwani neema juu ya wazazi ni neema juu ya mtoto. Kwa hivyo akamwomba mola wake mlezi amuwezeshe kushukuru neema yake ya kidini na ya kidunia juu yake na wazazi wake, "na nipate kutenda mema uyapendayo" yenye kuafikiana na amri Yako, yenye kukusudiwa wewe peke yako, yaliyosalimika kutokana na ya kuyaharibu, na kuyapunguza, "na uniingize kwa rehema yako" ambayo miongoni mwake ni Bustani ya mbinguni, "katika waja wako wema" kwani watu wema hupewa rehema kulingana na daraja zao totauti na hadhi zao. Na huu ni mfano ambao Mwenyezi Mungu aliutaja kutoka kwa hali ya Suleiman aliposikia maneno na wito wa mchwa yule.