Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أَيَّامًا مَّعْدُودَٰتٍ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ وَعَلَى ٱلَّذِينَ يُطِيقُونَهُۥ فِدْيَةٌ طَعَامُ مِسْكِينٍ ۖ فَمَن تَطَوَّعَ خَيْرًا فَهُوَ خَيْرٌ لَّهُۥ ۚ وَأَن تَصُومُوا۟ خَيْرٌ لَّكُمْ ۖ إِن كُنتُمْ تَعْلَمُونَ 184
{184} Na alipotaja kuwa aliwafaradhishia kufunga Saumu, alitoa habari kuwa ni siku zenye kuhesabika, yani chache na rahisi sana. Kisha akafanya urahisi mwingine. Akasema “Na atakayekuwa miongoni mwenu mgonjwa au yumo safarini, basi atimize hesabu katika siku nyingine.” Na hayo ni kwa sababu ya ugumu (dhiki) mara nyingi, kwa hivyo Mwenyezi Mungu akawaruhusu wafungue. Na kwa kuwa ilikuwa ni lazima kila Muumini kupata faida ya kufunga Saumu, akawaamrisha walipe katika siku nyingine ugonjwa unapoisha, na safari ikaisha, na raha (kupumzika) ikapatikana. Na katika kauli yake, “basi atimize hesabu katika siku nyingine.” Kuna dalili ya kwamba analipa kwa idadi ya siku za Ramadhani, sawa (mwezi) ulikuwa kamili au mpungufu. Na kwamba inaruhusika kulipa siku zilizokuwa fupi zenye baridi katika siku ndefu zenye joto, na kinyume chake. Na kauli yake “Na wale wanaoweza kufunga” yani wanaoweza kufunga Saumu, “watoe fidia” kwa kila siku wanayofungua ndani yake “kwa kumlisha masikini”. Na hii (hukumu) ilikuwa mwanzoni mwa kufaradhishwa kufunga Saumu, walipokuwa hawajazoea kufunga saumu. Na pindi kuifanya kuwa faradhi juu yao kungekuwa bila shaka na ugumu juu yao, ndio maana Mola Mlezi, Mwenye hekima akawawazoesha kwa njia nyepesi. Na akampa hiari mwenye uwezo wa kufunga Saumu kati ya kufunga Saumu, nalo ndilo bora, au kulisha (masikini). Ndiyo akasema: “Na mkifunga ndiyo bora kwenu.” Kisha baada ya hayo akafanya kufunga Saumu kuwa lazima kwa wale wenye uwezo. Nao wasioweza, wanafuturu na wanazilipa katika siku nyingine. [Na ilisemwa maana yake ni “wale wanaoweza kufunga,” yani wanoweza kwa shida, na kufunga kunawawia kugumu; ugumu ambao haustahimiliki. Kama vile mzee sana, basi atalipa fidia kwa kila siku masikini, na hii ndiyo kauli sahihi].