Al-Baqara
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
يَـٰٓأَيُّهَا ٱلَّذِينَ ءَامَنُوا۟ كُتِبَ عَلَيْكُمُ ٱلصِّيَامُ كَمَا كُتِبَ عَلَى ٱلَّذِينَ مِن قَبْلِكُمْ لَعَلَّكُمْ تَتَّقُونَ 183
({83} Mola Mtukufu anatoa habari yale aliyowaneemesha kwayo waja wake kwamba aliwafaradhishia kufunga Saumu kama alivyoifaradhisha kwa umma zilizopita. Kwa sababu ni miongoni mwa sheria na maamrisho ambayo ni masilahi ya viumbe katika nyakati zote. Na ndani yake kuna kuuhimiza umma huu kwamba mnapaswa mshindane na wengineo katika kukamilisha matendo, na kuharakisha kuziendea sifa zilizo njema; na kwamba siyo katika mambo mazito ambayo ni mahususi kwenu. Kisha Mwenyezi Mungu Mtukufu akataja hekima yake katika kuweka sheria ya kufunga Saumu akasema, “ili mpate kumcha Mungu.” Kwa sababu kufunga saumu ni miongoni mwa sababu kubwa za uchamungu. Kwa sababu ndani yake kuna kufuata amri ya Mwenyezi Mungu na kujiepusha na makatazo yake. Na katika yale inayojumuisha ya uchamungu ni kuwa mtu mwenye Saumu anaacha yale ambayo Mwenyezi Mungu amemharamishia katika kula, kunywa, kujamiiana na mfano wake, ambayo nafsi yake huyaelekea. Akifanya hivyo ili kujiweka karibu na Mwenyezi Mungu, akitaraji malipo yake kwa kuyaacha, na hilo ni katika uchamungu. Na miongoni mwake ni kwamba mwenye Saumu anaizoesha nafsi yake juu ya kumchunga Mwenyezi Mungu Mtukufu. Basi anaacha kile kinachotamaniwa na nafsi yake ijapokuwa ana uwezo juu yake, kwa sababu anajua kwamba Mwenyezi Mungu anamwona. Na miongoni mwake ni kwamba Saumu hupunguza njia za Shetani. Kwa maana, yeye (Shetani) hupita katika mwanadamu kama kupita kwa damu, kwa hivyo kwa kufunga Saumu, athari zake hudhoofika, na dhambi zinapungua kutoka kwake. Na miongoni mwake ni kwamba mwenye kufunga Saumu mara nyingi utiifu wake huwa mwingi. Na mambo ya utiifu ni miongoni mwa sifa za uchamungu. Na miongoni mwake ni kwamba, tajiri anapoonja uchungu wa njaa, hilo linamlazimu kuwafariji mafukara wasiokuwa na kitu. Na hilo ni katika sifa za uchamungu.