Al-Israa
Ini ialah terjemahan Tafsir as-Saʿdī seperti yang diterbitkan oleh IslamHouse.com di saadi.islamenc.com, dibaca daripada halaman-halaman laman itu. Laman itu tidak menyatakan siapa yang menterjemahkannya atau edisi cetakan mana yang diikutinya, dan tidak menyatakan syarat untuk mengambil teksnya, maka hak untuk memaparkannya belum disahkan. Belum ada sesiapa yang membandingkannya dengan buku bercetak, dan tiada ulama yang menyemaknya. Setiap bahagian berada di sisi ayat-ayat yang diulasnya, iaitu teks Al-Quran daripada Tanzil, dipaparkan seperti yang ada di sana; ayat yang tidak diberi ulasan tersendiri oleh laman itu berada bersama bahagian sebelumnya, dan indeks menamakan setiap ayat sedemikian. Sabīl tidak menulis atau menterjemahkan satu pun daripadanya.
Teks daripadasaadi.islamenc.comIslamHouse.comnone stated (the site names no licence and no terms for taking its text)diambil pada 2026-10-22
أَقِمِ ٱلصَّلَوٰةَ لِدُلُوكِ ٱلشَّمْسِ إِلَىٰ غَسَقِ ٱلَّيْلِ وَقُرْءَانَ ٱلْفَجْرِ ۖ إِنَّ قُرْءَانَ ٱلْفَجْرِ كَانَ مَشْهُودًا 78
{78} Yeye Mtukufu anamwamrisha Mtume wake Muhammad -rehema na amani za Mwenyezi Mungu ziwe juu yake - kusimamisha Swala kamili, kwa dhahiri na kwa siri katika nyakati zake zilizowekwa, "jua linapopinduka." Yaani, linapoelekea kwenye upeo wa magharibi baada ya kukengeuka kwake. Na inaingia katika hilo swala ya adhuhuri na swala ya alasiri "mpaka giza la usiku." Na inaingia katika hilo swala ya Maghribi na swala ya Ishaa, "Na Qur-rani ya Al-fajiri." Yaani, swala ya alfajiri. Nayo iliitwa Qur-ani kwa sababu inaruhusiwa kurefusha kisomo cha Qur-ani ndani yake kuliko swala zinginezo, na kwa sababu ya fadhila ya kusoma Qur-ani, ambacho Mwenyezi Mungu anakishuhudia, na Malaika wa usiku na Malaika wa mchana. Basi katika Aya hii zimetajwa nyakati tano za swala tano za faradhi zilizoandikwa, na kwamba zinazofanywa nyakati hizo ni faradhi, kwa sababu ya kutajwa hizo tu katika amri hii. Na ndani yake pia kuna kwamba kuingia kwa wakati ni sharti ya swala kuwa sahihi, na kwamba ndiyo sababu ya kuifanya iwe wajibu. Kwa sababu Mwenyezi Mungu aliamuru kuisimamisha katika nyakati hizi. Na ndani yake pia kuna kwamba Adhuhuri na Alasiri huchanganywa pamoja, na Magharibi na Ishaa pia huchanganywa pamoja kama kuna udhuru wa kufanya hivyo. Kwa sababu Mwenyezi Mungu alijumuisha nyakati zake pamoja. Na ndani yake pia kuna fadhila ya swala ya Alfajiri, na fadhila ya kurefusha kisomo cha Qur-ani ndani yake, na kwamba kusoma Qur-ani ndani yake ni nguzo yake. Kwa sababu ikiwa ibada itaitwa kwa baadhi ya sehemu zake, basi hilo litaonyesha ulazima wa sehemu hiyo.