Fussilat
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَقَيَّضْنَا لَهُمْ قُرَنَآءَ فَزَيَّنُوا۟ لَهُم مَّا بَيْنَ أَيْدِيهِمْ وَمَا خَلْفَهُمْ وَحَقَّ عَلَيْهِمُ ٱلْقَوْلُ فِىٓ أُمَمٍ قَدْ خَلَتْ مِن قَبْلِهِم مِّنَ ٱلْجِنِّ وَٱلْإِنسِ ۖ إِنَّهُمْ كَانُوا۟ خَـٰسِرِينَ 25
{25} Yaani, "Na tukawaweke" hawa madhalimu waliokataa haki, "marafiki" miongoni mwa mashetani, kama alivyosema Mwenyezi Mungu Mtukufu: "Kwani huoni ya kwamba tumewatuma mashetani kwa makafiri wawachochee kwa uchochezi mkubwa" wa kufanya maasia na kuwahimiza juu yake kwa sababu ya yale waliyoyapambia, "yaliyo mbele yao na nyuma yao." Waliwapambia dunia katika macho yao na wakawaita kwenye starehe zake na matamanio yake yaliyoharamishwa, mpaka wakaingia katika majaribio, wakaingia katika kumuasi Mwenyezi Mungu na wakashika njia ya kupigana vita dhidi ya Mwenyezi Mungu na Mtume wake, na Akhera wakaiona kuwa ni mbali mno na wakawasahaulisha kuikumbuka. Na huenda waliwatia fikira potofu kwamba haitatokea, kwa hivyo suala la kuihofu likatoka nyoyoni mwao, kwa hivyo wakawapelekea kwenye ukafiri, uzushi na maasia. Na Mwenyezi Mungu kuwapa mamlaka mashetani juu ya wale wanaokadhibisha na kuwafungamanisha nao ni kwa sababu ya kupeana kwao mgongo utajo wa Mwenyezi Mungu na ishara zake, na kukataa kwao haki. Kama alivyosema Mwenyezi Mungu Mtukufu: "Anayeyafanyia upofu maneno ya Rahmani, tunamwekea shetani kuwa ndiye rafiki yake. Na hakika wao wanawazuilia Njia, na wenyewe wanadhani kuwa wameongoka." "Basi ikawathibitikia kauli" kutokana na mipango ya Mwenyezi Mungu kwamba wataadhibiwa "pamoja na mataifa yaliyopita kabla yao, miongoni mwa majini na watu. Hakika hao wamekuwa ni wenye kuhasirika" dini zao na akhera yao. Na mwenye kuhasiri, basi ni lazima atadhalilika, awe mashakani na aadhibiwe.