Al-Baqara
Ini adalah terjemahan Tafsir as-Saʿdī sebagaimana diterbitkan IslamHouse.com di saadi.islamenc.com, dibaca dari halaman-halaman situs itu. Situs itu tidak menyebutkan siapa yang menerjemahkannya maupun edisi cetak mana yang diikutinya, dan tidak menyatakan ketentuan untuk mengambil teksnya, sehingga hak untuk menampilkannya belum diverifikasi. Belum ada yang membandingkannya dengan buku cetak, dan belum ada ulama yang meninjaunya. Setiap bagian berdiri di samping ayat-ayat yang diulasnya, yaitu teks Al-Qur’an dari Tanzil, ditampilkan sebagaimana adanya di sana; ayat yang tidak diberi ulasan tersendiri oleh situs itu berdiri bersama bagian sebelumnya, dan indeks menyebutkan setiap ayat semacam itu. Sabīl tidak menulis atau menerjemahkan satu pun darinya.
Teks darisaadi.islamenc.comIslamHouse.comnone stated (the site names no licence and no terms for taking its text)diambil 2026-10-22
وَلَمَّا جَآءَهُمْ رَسُولٌ مِّنْ عِندِ ٱللَّهِ مُصَدِّقٌ لِّمَا مَعَهُمْ نَبَذَ فَرِيقٌ مِّنَ ٱلَّذِينَ أُوتُوا۟ ٱلْكِتَـٰبَ كِتَـٰبَ ٱللَّهِ وَرَآءَ ظُهُورِهِمْ كَأَنَّهُمْ لَا يَعْلَمُونَ 101
(101) Yani alipowajia Mtume huyu mtukufu na Kitabu kitukufu kwa haki inayokubaliana na waliyo nayo. Na walikuwa wakidai kuwa wao wameshikamana na Kitabu chao. Na walipomkufuru Mtume huyu na yale aliyokuja nayo, "kundi moja miongoni mwa wale waliopewa Kitabu lilitupa Kitabu cha Mwenyezi Mungu hicho" ambacho kiliteremshwa juu yao. Yani walikitupa kwa kukikataa "nyuma ya migongo yao." Na huku ndiko kupeana mgongo kwa juu mno, kana kwamba wao katika kitendo chao hiki ni wajinga, hali ya kuwa wanajua ukweli wake na uhakika wa yale aliyokuja nayo. Inabainika kwa hili kwamba kundi hili la Watu wa Kitabu halikubaki na chochote katika mikono yao, kwa vile hawakumuamini Mtume huyu. Basi, kukawa kumkufuru kwao ni kukikufuru kitabu chao bila ya kutambua. Na pindi ilipokuwa miongoni mwa marejeo ya majaaliwa na hekima ya Mwenyezi Mungu ni kwamba, mwenye kuacha yale yanayomnufaisha hali ya kuwa anaweza kunufaika nayo, na asifaidike nayo; anapewa mtihani wa kujishughulisha na yenye kumdhuru. Kwa hivyo, mwenye kuacha kumuabudu Arrahman (Mwingi wa Rehema); anapewa mtihani wa kuabudu masanamu. Na mwenye kuacha kumpenda Mwenyezi Mungu, kumhofu na kumtumaini; anapewa mtihani wa kupenda asiyekuwa Mwenyezi Mungu, kumhofu, na kumtumaini. Na yule asiyetumia mali yake katika kumtii Mwenyezi Mungu, ataitumia katika kumtii Shetani. Na mwenye kuacha kumdhalilikia Mola wake Mlezi; anapewa mtihani wa kuwadhalilikia waja. Na mwenye kuiacha haki; anajaribiwa na batili (uongo).