عَنْ عَائِشَةَ أُمِّ المؤْمنينَ رَضيَ اللهُ عنها قَالَت: قَالَ النَّبِيُّ صَلَّى اللهُ عَلَيْهِ وَسَلَّمَ: «تُقْطَعُ اليَدُ فِي رُبُعِ دِينَارٍ فَصَاعِدًا».
Daga Nana A'isha - Allah Ya yarda da ita - ta ce: Manzon Allah - tsira da amincin Allah su tabbata a gareshi - ya ce: "Ana yanke hannu a rubu'un dinari (ɗaya bisa huɗu) zuwa sama".
Bukhari da Muslim ne suka rawaito shiDarajaIngantacce ne
Sharhi
Annabi - tsira da amincin Allah su tabbata agare shi - ya bayyana cewa ɓarawo ana yanke hannunsa saboda satar rubu'in dinari na zinare, da abinda ya ƙaru a kan hakan, kuma ya yi daidai da abinda ƙimarsa ta yi daidai da ƙimar 1.06 Gram na zinari.
Fa’idoji
- Sata tana daga cikin manyan zunubai.
- Allah - tsarki ya tabbatar maSa Ya ɗaukaka - Ya iyakance uƙubar ɓarawo, ita ce yanke hannunsa; kamar yadda yake a cikin faɗinSa - Maɗaukakin sarki -: {Barawo da ɓarauniya to ku yanke hannayensu} [al-Ma'ida: 38], kuma sunnah ta bayyana sharuɗɗan wannan yankewar.
- Abin nufi da hannu a cikin hadisin shi ne yanke tafi daga gaɓarsa tsakaninsa da tsakanin damtse.
- Daga hikima a cikin yanke hannun ɓarawo, (akwai) kiyaye dukiyoyin mutane, da tsawatar da waninsa (ɓarawon) cikin masu ta'addanci.
- Dinari awo ne na zinare, kuma ya yi daidai a yanzu da (4.25 KG) awon 24; to ɗaya bisa huɗu na dinari ya yi daidai da Gram da wani abu.
Madogara
صحيح البخاري (8/ 160) (6789). صحيح مسلم (3/ 1312) (1684). الإلمام بشرح عمدة الأحكام، لإسماعيل الأنصاري (2/ 125). تيسير العلام شرح عمدة الأحكام، لعبد الله البسام، (ص665).