Al-Baqara
Wannan fassarar tafsirin as-Saʿdī ce, kamar yadda IslamHouse.com ke wallafa ta a saadi.islamenc.com, an karanta ta daga shafukan wannan shafin yanar gizo. Shafin bai faɗi wanda ya fassara ta ba, ko wane bugu da aka buga take bi, kuma bai bayyana sharuɗɗa na ɗaukar rubutunta ba, saboda haka ba a tabbatar da haƙƙin nuna ta ba. Babu wanda ya kwatanta ta da littafin da aka buga, kuma babu malami da ya duba ta. Kowane sashe yana kusa da ayoyin da yake bayani a kansu, waɗanda rubutun Alƙur’ani ne na Tanzil, kamar yadda yake a can; aya da shafin bai ba ta bayani na kanta ba tana tare da sashen da ya gabace ta, kuma jerin yana ambaton kowace irin wannan aya. Sabīl bai rubuta wani abu daga cikinta ba, kuma bai fassara ta ba.
Rubutu dagasaadi.islamenc.comIslamHouse.comnone stated (the site names no licence and no terms for taking its text)an ɗauka 2026-10-22
فَأَزَلَّهُمَا ٱلشَّيْطَـٰنُ عَنْهَا فَأَخْرَجَهُمَا مِمَّا كَانَا فِيهِ ۖ وَقُلْنَا ٱهْبِطُوا۟ بَعْضُكُمْ لِبَعْضٍ عَدُوٌّ ۖ وَلَكُمْ فِى ٱلْأَرْضِ مُسْتَقَرٌّ وَمَتَـٰعٌ إِلَىٰ حِينٍ 36
(36) Basi wakadanganyika naye na wakamtii. Hivyo basi, akawatoa katika yale waliyokuwamo katika neema na ukunjufu; na wakashukishwa kwenda katika nyumba ya taabu, uchovu na kupambana. “Nanyi ni maadui nyinyi kwa nyinyi.” Yani Adam na kizazi chake ni maadui wa Iblis na kizazi chake. Na kama inavyojulikana, adui hukakamia na kujitahidi katika kumdhuru adui yake na kumfikishia shari kwa kila njia, na kumnyima heri kwa kila njia. Hivyo basi, ndani ya haya kuna tahadharisho kwa wanaadamu dhidi ya Shetani, kama alivyosema (Mwenyezi Mungu) Mtukufu: “Hakika Shet'ani ni adui yenu, basi mfanyeni kuwa ni adui. Kwani yeye analiita kundi lake liwe katika watu wa Motoni.” “Je, Mnamfanya yeye na dhuriya zake kuwa marafiki badala yangu, hali wao ni adui zenu? Ni ovu mno badala hii kwa wenye kudhulumu.” Kisha akataja mwisho wa kuteremka katika ardhi, akasema: “Katika ardhi yatakuwa makaazi yenu,” yani maskani na mahali pa kutua “na starehe kwa muda.” Wa kwisha kwa muda wenu, kisha mtatoka humo kwenda kwenye nyumba ambayo mliumbwa kwa ajili yake, nayo ikaumbwa kwa ajili yenu. Na katika aya hii kuna kwamba muda wa maisha haya (ya duniani) ni ya muda mfupi na wa kupita, siyo maskani ya kweli. Lakini, ni njia ya mapito ambayo mtu anapaswa kuchukua chakula kutoka humo kwa ajili ya nyumba ile nyingine, na wala haifai kuyaimarisha kwa ajili ya kukaa humo milele.