Al-Baqara
Wannan fassarar tafsirin as-Saʿdī ce, kamar yadda IslamHouse.com ke wallafa ta a saadi.islamenc.com, an karanta ta daga shafukan wannan shafin yanar gizo. Shafin bai faɗi wanda ya fassara ta ba, ko wane bugu da aka buga take bi, kuma bai bayyana sharuɗɗa na ɗaukar rubutunta ba, saboda haka ba a tabbatar da haƙƙin nuna ta ba. Babu wanda ya kwatanta ta da littafin da aka buga, kuma babu malami da ya duba ta. Kowane sashe yana kusa da ayoyin da yake bayani a kansu, waɗanda rubutun Alƙur’ani ne na Tanzil, kamar yadda yake a can; aya da shafin bai ba ta bayani na kanta ba tana tare da sashen da ya gabace ta, kuma jerin yana ambaton kowace irin wannan aya. Sabīl bai rubuta wani abu daga cikinta ba, kuma bai fassara ta ba.
Rubutu dagasaadi.islamenc.comIslamHouse.comnone stated (the site names no licence and no terms for taking its text)an ɗauka 2026-10-22
قَوْلٌ مَّعْرُوفٌ وَمَغْفِرَةٌ خَيْرٌ مِّن صَدَقَةٍ يَتْبَعُهَآ أَذًى ۗ وَٱللَّهُ غَنِىٌّ حَلِيمٌ 263
{263} Mwenyezi Mungu alitaja daraja nne za ihsaan: Daraja la juu zaidi: Kutoa kunakotokana na nia njema, na aliyetoa hakukufuatisha masimbulizi wala maudhi. Kisha linafuatwa na kusema mema. Nalo ni kufanya ihsani katika kuzungumza kwa aina zake zote, ambako ndani yake kuna kumfurahisha Muislamu. Na kutaka udhuru kutoka kwa mwombaji ikiwa hatapata kitu kutoka kwake, na yasiyokuwa hayo katika maneno mema. Na la tatu ni kufanya ihsani kwa kumsamehe na kutupilia mbali aliyekufanyia ubaya kwa kauli au kitendo. Na mawili haya ni bora kuliko la nne na la heri zaidi kuziliko. Nalo ni lile ambalo mwenye kutoa sadaka anafuatisha maudhi kwa aliyempa. Kwa sababu aliharibu wema wake na akafanya mema na mabaya. Basi heri tupu, hata kama ni chache, ni bora kuliko heri iliyochanganyika na shari hata kama ni nyingi. Na katika hili, kuna tahadharisho kubwa kwa anayemuudhi yule anayempa sadaka, kama wanavyofanya watu wachoyo, wapumbavu na wajinga. "Na Mwenyezi Mungu" Mtukufu "ndiye Mwenye kujitosheleza" kwa kutohitaji sadaka zao. Na pia hawahitaji waja wake wote "Mpole" pamoja na ukamilifu wa kujitosheleza kwake, na wasaa (wingi) wa vipawa vyake. Anawafanyia upole waasi, na wala hawaharakishii kuwaadhibu. Bali huwaweka salama, na kuwaruzuku, na kuwapa heri zake nyingi, na huku wao wanamkabili kwa maasia. Kisha akakataza vikali masimbulizi na maudhi, akayapigia mfano hayo: