Al-Baqara
Wannan fassarar tafsirin as-Saʿdī ce, kamar yadda IslamHouse.com ke wallafa ta a saadi.islamenc.com, an karanta ta daga shafukan wannan shafin yanar gizo. Shafin bai faɗi wanda ya fassara ta ba, ko wane bugu da aka buga take bi, kuma bai bayyana sharuɗɗa na ɗaukar rubutunta ba, saboda haka ba a tabbatar da haƙƙin nuna ta ba. Babu wanda ya kwatanta ta da littafin da aka buga, kuma babu malami da ya duba ta. Kowane sashe yana kusa da ayoyin da yake bayani a kansu, waɗanda rubutun Alƙur’ani ne na Tanzil, kamar yadda yake a can; aya da shafin bai ba ta bayani na kanta ba tana tare da sashen da ya gabace ta, kuma jerin yana ambaton kowace irin wannan aya. Sabīl bai rubuta wani abu daga cikinta ba, kuma bai fassara ta ba.
Rubutu dagasaadi.islamenc.comIslamHouse.comnone stated (the site names no licence and no terms for taking its text)an ɗauka 2026-10-22
ٱلطَّلَـٰقُ مَرَّتَانِ ۖ فَإِمْسَاكٌۢ بِمَعْرُوفٍ أَوْ تَسْرِيحٌۢ بِإِحْسَـٰنٍ ۗ وَلَا يَحِلُّ لَكُمْ أَن تَأْخُذُوا۟ مِمَّآ ءَاتَيْتُمُوهُنَّ شَيْـًٔا إِلَّآ أَن يَخَافَآ أَلَّا يُقِيمَا حُدُودَ ٱللَّهِ ۖ فَإِنْ خِفْتُمْ أَلَّا يُقِيمَا حُدُودَ ٱللَّهِ فَلَا جُنَاحَ عَلَيْهِمَا فِيمَا ٱفْتَدَتْ بِهِۦ ۗ تِلْكَ حُدُودُ ٱللَّهِ فَلَا تَعْتَدُوهَا ۚ وَمَن يَتَعَدَّ حُدُودَ ٱللَّهِ فَأُو۟لَـٰٓئِكَ هُمُ ٱلظَّـٰلِمُونَ 229
{229} Talaka ilikuwa katika Jahiliyya, na ikaendelea hivyo mwanzo wa Uislamu. Mwanamume alikuwa akimtaliki mkewe bila ya kuwepo na kikomo (cha talaka hizo). Kwa hivyo, alikuwa anapotaka kumdhuru (mkewe), alimpa talaka, na anapokaribia kumaliza eda yake, anamrejesha. Kisha anamtaliki, na anamfanyia vivyo hivyo milele, kwa hivyo anapata kutokana na hilo madhara ambayo Mwenyezi Mungu ndiye anayeyajua tu. Kwa hivyo, Mwenyezi Mungu akasema kwamba, "talaka" ambayo mume anaweza kumrejesha mkewe, "ni mara mbili." Ili ikiwa mume hakukusudia kumdhuru, ataweza kumrejesha na kufikiria tena katika kipindi hiki. Lakini jambo lolote zaidi ya hilo, basi hilo halifai. Kwa sababu, mwenye kufanya hivyo zaidi ya mara mbili, ima anatafuta la haramu au hataki kuendelea kukaa naye. Bali lengo lake ni kumdhuru. Ndiyo maana Mola Mtukufu akamwamrisha mume akae na mkewe "kwa wema." Yani aishi naye kwa wema mfano wa wanavyowafanyia wenzake wake zao. Na hii ndiyo rai sahihi zaidi. La sivyo, amwachilie na aachane naye "kwa uzuri". Na katika uzuri, ni kwamba (mume) asichukue wakati wa kuachana naye chochote katika mali ya mkewe. Kwa sababu, hiyo ni dhuluma, na kachukua mali bila ya malipo yoyote. Na ndio maana akasema: "Wala si halali kwenu kuchukua chochote katika kile mlichowapa wake zenu, isipokuwa ikiwa wote wawili watahofia kwamba hawataweza kushikamana na mipaka ya Mwenyezi Mungu." Na hii ndiyo Mukhala' (yani mke kujinunua) kwa wema, ikiwa mke atamchukia mumewe kwa sababu ya maadili yake au maumbile yake au upungufu katika dini yake. Na akaogopa kwamba hatamtii Mwenyezi Mungu katika huyu mumuwe. "Basi mkihofia kwamba hawataweza kushikamana na mipaka ya Mwenyezi Mungu, hapo hakuna ubaya juu yao katika kile ambacho mke atajikomboa kwacho." Kwa sababu ndicho kibadala cha yeye kufikia lengo lake la kuachana naye. Na katika hili kuna kuwekwa kwa sheria ya khulu ikiwa hekima hii itapatikana. "Hii," yani hukumu kisheria zilizotangulia "ni mipaka ya Mwenyezi Mungu." Yani hukumu zake ambazo aliziweka kama sheria kwenu, na akawaamrisha kusimama nazo. "Na mwenye kuruka mipaka ya Mwenyezi Mungu, basi hao ndio madhalimu." Na ni dhuluma gani iliyo kubwa zaidi kuliko yule aliyeingia ndani ya halali, kisha akaivuka na kuiendea haramu, na kutotosheka na kile ambacho Mungu amekihalalisha? Na dhuluma ni aina tatu: Dhuluma ya mja katika yale yaliyo kati yake na Mwenyezi Mungu. Na dhuluma kubwa ya mja, ambayo ni shirki. Na dhuluma ya mja katika yale yaliyo kati yake na viumbe. Kwa hivyo, Mwenyezi Mungu haisamehei shirki isipokuwa kwa toba. Na haki za waja, Mwenyezi Mungu haachi chochote katika hizo. Na dhuluma ambayo ipo baina ya mja na Mola wake katika yale yaliyo chini ya shirki yapo chini ya mapenzi na hekima ya Mwenyezi Mungu.