Al-Baqara
Wannan fassarar tafsirin as-Saʿdī ce, kamar yadda IslamHouse.com ke wallafa ta a saadi.islamenc.com, an karanta ta daga shafukan wannan shafin yanar gizo. Shafin bai faɗi wanda ya fassara ta ba, ko wane bugu da aka buga take bi, kuma bai bayyana sharuɗɗa na ɗaukar rubutunta ba, saboda haka ba a tabbatar da haƙƙin nuna ta ba. Babu wanda ya kwatanta ta da littafin da aka buga, kuma babu malami da ya duba ta. Kowane sashe yana kusa da ayoyin da yake bayani a kansu, waɗanda rubutun Alƙur’ani ne na Tanzil, kamar yadda yake a can; aya da shafin bai ba ta bayani na kanta ba tana tare da sashen da ya gabace ta, kuma jerin yana ambaton kowace irin wannan aya. Sabīl bai rubuta wani abu daga cikinta ba, kuma bai fassara ta ba.
Rubutu dagasaadi.islamenc.comIslamHouse.comnone stated (the site names no licence and no terms for taking its text)an ɗauka 2026-10-22
فِى ٱلدُّنْيَا وَٱلْـَٔاخِرَةِ ۗ وَيَسْـَٔلُونَكَ عَنِ ٱلْيَتَـٰمَىٰ ۖ قُلْ إِصْلَاحٌ لَّهُمْ خَيْرٌ ۖ وَإِن تُخَالِطُوهُمْ فَإِخْوَٰنُكُمْ ۚ وَٱللَّهُ يَعْلَمُ ٱلْمُفْسِدَ مِنَ ٱلْمُصْلِحِ ۚ وَلَوْ شَآءَ ٱللَّهُ لَأَعْنَتَكُمْ ۚ إِنَّ ٱللَّهَ عَزِيزٌ حَكِيمٌ 220
{220} Ilipoteremka kauli yake Mwenyezi Mungu Mtukufu: “Hakika, wale wanaokula 0700205910mali za mayatima kwa dhulu, bila shaka wanakula matumboni mwao moto, na wataingia Motoni.” Hayo yaliwawia magumu Waislamu, basi wakakitenga na chakula chao kando na chakula cha mayatima wakiziogopea nafsi zao kwamba wasije wakazila; hata katika hali hii ambayo ni desturi kushirikiana ndani yake. Kwa hivyo, wakamuliza Nabii rehema na amani za Mwenyezi Mungu kuhusu hilo. Kwa hivyo, Mwenyezi Mungu Mtukufu akawaambia kwamba kinachokusudiwa ni kutengeneza mali za mayatima kwa kuzihifadhi na kuzitunza, na kuzifanyia biashara. Na kwamba kuchanganyika kwao nao katika chakula au vitu vinginevyo kunaruhusika kwa namna ambayo haiwadhuru mayatima. Kwa sababu wao ni ndugu yenu, na katika mambo ya ndugu ni kuchanganyika na nduguye. Na marejeo katika hayo ni nia na matendo. Kwa hivyo, yule ambaye Mwenyezi Mungu anajua nia yake kuwa yeye ni mtengenezaji wa yatima, wala hana tamaa na mali yake. Basi kama kitu kitamuingia bila ya kukusudia, basi hakutakuwa na ubaya juu yake. Naye yule ambaye Mwenyezi Mungu anajua katika nia yake kwamba makusudio yake katika kuchanganya ni kuzila na kuzitumia, basi huyo ndiye aliyefanya ubaya na akapata dhambi. Na njia zina hukumu sawa na makusudio yake. Na katika Aya hii, kuna ushahidi wa kuruhusiwa kwa kila aina ya kuchanganyika, katika vyakula na vinywaji na mikataba na kadhalika. Na ruhusa hii ni upole kutoka kwa Mwenyezi Mungu [Mtukufu] na hisani, na kuwakunjulia Waumini. Na sivyo basi, “na Mwenyezi Mungu angelipenda, angeliwatia katika udhia.” Yani angewafanyia ugumu kwa kutoruhusu hilo, hivyo basi ukawa ubaya juu yenu, na akawafanyia kuwa ugumu na mkapata dhambi. “Hakika, Mwenyezi Mungu ni Mwenye nguvu.” Yani ana uwezo kamili, na kushinda kila kitu, lakini yeye pamoja na hayo, “ni Mwenye hekima”. Hafanyi isipokuwa kile kinachotakiwa na hekima yake kamilifu, na uangalizi wake timilifu. Kwa hivyo, nguvu zake hazipingani na hekima yake. Hivyo basi, haisemwi kwamba: Yeye atakalo, hulifanya, sawa linakubaliana na hekima yake au linapingana nayo. Bali inasemwa kwamba: Matendo yake na vile vile hukumu zake zinafuata hekima yake. Kwa hivyo, haumbi kitu bure tu. Lakini ni lazima kina hekima, tuijue au tusiijue. Kadhalika, hakuwawekea waja wake sheria yoyote isiyokuwa na hekima. Kwa hivyo, haamrishi chochote isipokuwa chenye masilahi tupu, au hayo ndiyo mengi zaidi. Na wala hakatazi isipokuwa chenye uharibifu mtupu, au huo ndio mwingi zaidi, kwa sababu ya ukamilifu wa hekima yake na rehema yake.