Az-Zumar
Wannan tafsiri ne da wani harshe ba Larabci ba, kamar yadda yake a Quranic Universal Library (QUL, ta Tarteel), wanda aka ɗauka ta kwafin buɗaɗɗen bayanan QUL da spa5k/tafsir_api ke riƙewa. Bayanan QUL ba su faɗi wanda ya rubuta ko ya fassara shi ba, ko wane bugu da aka buga yake bi, kuma ba su bayyana lasisi ga rubutun ba, saboda haka ba a tabbatar da haƙƙin nuna shi ba. Babu wanda ya kwatanta shi da littafin da aka buga, kuma babu malami da ya duba shi. Kowane sashe yana kusa da ayoyin da yake bayani a kansu, waɗanda rubutun Alƙur’ani ne na Tanzil, kamar yadda yake a can. Sabīl bai rubuta ko ɗaya daga cikinsa ba, kuma bai fassara shi ba.
Rubutu dagaQuranic Universal Libraryspa5k/tafsir_apiMITan ɗauka 2026-10-21
لَّهُۥ مَقَالِيدُ ٱلسَّمَـٰوَٰتِ وَٱلْأَرْضِ ۗ وَٱلَّذِينَ كَفَرُوا۟ بِـَٔايَـٰتِ ٱللَّهِ أُو۟لَـٰٓئِكَ هُمُ ٱلْخَـٰسِرُونَ 63
Vetëm tek Ai janë çelësat e qiejve e të tokës... -Në dorën e Tij janë çelësat e diturisë dhe pushtetit në qiej dhe në tokë, prandaj: "Atë që Allahu ua dhuron njerëzve nga Mëshira e Tij, askush nuk mund ta pengojë e atë (mirësi)që Ai e ndal, askush përveç Tij nuk mund ta japë; Ai është Ngadhënjimtari, i Gjithëdituri." [Fatir 2]. Allahu i Madhëruar përmend disa fakte që na tregojnë për madhështinë e Tij, fakte të cilat duhet të bëjnë që zemrat ta madhërojnë dhe të mbushen me respekt dhe përunjësi për Të. Në vijim, Ai na tregon gjendjen e atyre të cilët nuk e madhërojnë Allahun ashtu siç i takon. Ai thotë:Dhe ata që i mohuan argumentet e Allahut - ata do të jenë të humburit. -Ata nuk besojnë ato shenja dhe mrekulli që tregojnë për të vërtetën e sigurt dhe e qartësojnë rrugën e drejtë. Por këta të mjerë i mohojnë, prandaj dhe do të jenë të humbur dhe të dëshpëruar. Ata janë të privuar, sepse e privojnë veten nga ajo që i rregullon zemrat. Dhe zemrat rregullohen veçse nga adhurimi i Zotit përmes të mirës dhe mënyrave të sjella në Shpalljen e Tij, me sinqeritet në zbatimin e fesë së Tij. Ata e privojnë veten nga çdo gjë që rregullon gjuhën dhe fjalët e tyre. Gjuhën e njeriut e rregullon dhikri i Zotit. Ata e privojnë veten edhe nga veprat e mira, që rregullojnë gjithë qenien e njeriut. Dhe trupi e zemra e njeriut rregullohet nëpërmjet bindjes ndaj Allahut dhe adhurimeve të sinqerta për Të. Ata, përkundrazi, bëjnë punë që shkatërrojnë zemrën, shpirtin dhe trupin e tyre. Në këtë mënyrë, ata privojnë veten nga Xheneti i mirësive dhe zhyten në dëshpërimin e përjetshëm, në Xhehenem.