At-Tawba
Voici une traduction du tafsîr d’as-Saʿdī, telle qu’IslamHouse.com la publie sur saadi.islamenc.com, lue dans les pages de ce site. Le site ne dit ni qui l’a traduite ni quelle édition imprimée elle suit, et n’indique aucune condition pour en reprendre le texte, si bien que le droit de la montrer n’est pas vérifié. Personne ne l’a comparée à un livre imprimé, et aucun savant ne l’a relue. Chaque passage se tient à côté des versets qu’il commente, qui sont le texte coranique de Tanzil, montré tel qu’il y est ; un verset auquel le site ne donne aucun commentaire propre se tient avec le passage qui le précède, et l’index nomme chacun de ces versets. Sabīl n’en a rien écrit ni traduit.
Texte desaadi.islamenc.comIslamHouse.comnone stated (the site names no licence and no terms for taking its text)pris le 2026-10-22
أَمْ حَسِبْتُمْ أَن تُتْرَكُوا۟ وَلَمَّا يَعْلَمِ ٱللَّهُ ٱلَّذِينَ جَـٰهَدُوا۟ مِنكُمْ وَلَمْ يَتَّخِذُوا۟ مِن دُونِ ٱللَّهِ وَلَا رَسُولِهِۦ وَلَا ٱلْمُؤْمِنِينَ وَلِيجَةً ۚ وَٱللَّهُ خَبِيرٌۢ بِمَا تَعْمَلُونَ 16
{16} Yeye Mtukufu anawaambia waja Wake Waumini baada ya kuwaamuru kupigana jihadi: "Mlidhani kuwa mtaachwa tu" bila ya majaribio na kutahiniwa, na kuamrisha yale ambayo atabainika kwayo mkweli na mwongo, "na Mwenyezi Mungu hajawajua wale waliopigana Jihadi miongoni mwenu " Yaani, elimu aliyoijua tangu zamani sasa ije kutokea kwelikweli ili yafungamane nayo malipo na adhabu, ndiyo awajue wale wanaofanya jihadi katika njia yake kwa ajili ya kuinua neno lake. "Na wala hawakumfanya yeyote mwendani wao isipokuwa Mwenyezi Mungu na Mtume wake na Waumini wenziwe?" Yaani, rafiki mlinzi kutoka kwa makafiri. Bali wanamfanya Mwenyezi Mungu na Mtume wake na waumini marafiki walinzi, ndiyo Mwenyezi Mungu akaweka sheria ya jihadi ili lifikiwe kusudio hili kubwa. Nalo ni kwamba wapambanuke wakweli ambao hawaegemei isipokuwa upande wa Dini ya Mwenyezi Mungu na kando na waongo ambao wanadai kuwa na imani ilhali wanachukua wendani na walinzi wengine kando na Mwenyezi Mungu, na Mtume Wake na Waumini. "Na Mwenyezi Mungu anazo habari za yote mnayoyatenda." Yaani, anajua yale yanayofikia mambo yenu na yale yanayotokea, kwa hivyo anawajaribu kwa yale ambayo yanadhihirisha ukweli wa hali yenu, na atawalipa kwa matendo yenu, mema yake na maovu yake.