At-Tawba

وَيُذْهِبْ غَيْظَ قُلُوبِهِمْ ۗ وَيَتُوبُ ٱللَّهُ عَلَىٰ مَن يَشَآءُ ۗ وَٱللَّهُ عَلِيمٌ حَكِيمٌ ۱۵

{15} "Na aondoe hasira ya nyoyo zao," kwani katika nyoyo zao kuna chuki na hasira dhidi yao, ambayo kupigana nao na kuwaua kwao ni poza ya yale yaliyo katika nyoyo za Waumini ya huzuni na wasiwasi; kwa kuwa, wanawaona maadui hawa wanampiga vita Mwenyezi Mungu na Mtume Wake, na wanajitahidi katika kuizima nuru ya Mwenyezi Mungu, na kuondoa hasira iliyo katika nyoyo zenu. Na hili linaonyesha upendo wa Mwenyezi Mungu kwa waumini, na kuzitunza kwake hali zao, kiasi kwamba alifanya katika jumla ya madhumuni ya kisheria ni kuponya yale yaliyo ndani ya mioyo yao na kuiondoa hasira yao. Kisha akasema: "Na Mwenyezi Mungu humkubalia toba amtakaye" miongoni mwa wapiganaji hawa, kwa kuwawezesha kuingia katika Uislamu, na kuupamba katika nyoyo zao, na kuwachukizia ukafiri, na uvukaji wa mipaka, na uasi. "Na Mwenyezi Mungu ni Mwenye kujua vyema, Mwenye hekima kubwa." Yeye huweka vitu pahali pake, na anajua ni nani anayeifailia imani, kwa hivyo anamwongoa, na yule asiyeifailia, kwa hivyo anambakisha katika upotofu wake na upindukiaji wake mipaka.