Al-An'aam

وَكَذَٰلِكَ جَعَلْنَا فِى كُلِّ قَرْيَةٍ أَكَـٰبِرَ مُجْرِمِيهَا لِيَمْكُرُوا۟ فِيهَا ۖ وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ ۱۲۳

{123} Na hawa ndio ambao wanatangantanga katika giza mbalimbali, na katika batili yao wanasitasita, na wala hawatoshani wote. Miongoni mwao wamo viongozi, na maraisi na wale wanaofuatwa, na miongoni mwao wapo wafuasi walio chini ya uongozi wao. Na wale wa kwanza miongoni mwao ndio wale walijishindia hali mbaya sana. Na kwa sababu hiyo akasema: "Na namna hivi tumeweka katika kila mji wakubwa wa wahalifu wake;" yaani viongozi ambao uhalifu wao umeshakuwa mkubwa, na upotofu wao ukawa mkali, "ili wafanye vitimbi ndani yake," kwa hadaa na kulingania kwenye njia ya Shetani na kupigana na Mitume na wafuasi wao kwa kauli na vitendo. Lakini vitimbi vyao na hila zao zinawarudia wao wenyewe, kwa sababu wanafanya vitimbi na Mwenyezi Mungu anafanya vitimbi, na Mwenyezi Mungu ndiye mbora zaidi wa wapangao vitimbi. Na kadhalika Mwenyezi Mungu huwafanya maimamu wakubwa wa uongofu na walio bora wao wapigane na wahalifu hawa na kuyakanusha maneno yao. Na wanapigana vita dhidi yao katika njia ya Mwenyezi Mungu, na wafuata kwa sababu ya hilo njia zinazowafikisha katika hilo, na Mwenyezi Mungu anawasaidia; na anaweka sawasawa rai yao, na anaiimarisha miguu yao, na anabadilisha siku baina za ushindi kati yao na maadui zao mpaka ilibadilishe jambo hili katika mwisho wake kwa kuwapa ushindi na kuwa kwao juu. Na mwisho mwema ni wa wachamungu.