Al-Mujaadila

يَـٰٓأَيُّهَا ٱلَّذِينَ ءَامَنُوٓا۟ إِذَا قِيلَ لَكُمْ تَفَسَّحُوا۟ فِى ٱلْمَجَـٰلِسِ فَٱفْسَحُوا۟ يَفْسَحِ ٱللَّهُ لَكُمْ ۖ وَإِذَا قِيلَ ٱنشُزُوا۟ فَٱنشُزُوا۟ يَرْفَعِ ٱللَّهُ ٱلَّذِينَ ءَامَنُوا۟ مِنكُمْ وَٱلَّذِينَ أُوتُوا۟ ٱلْعِلْمَ دَرَجَـٰتٍ ۚ وَٱللَّهُ بِمَا تَعْمَلُونَ خَبِيرٌ ۱۱

{11} Hii ni adabu nzuri ambayo Mwenyezi Mungu anawafunza waja wake wanapokuwa wamekusanyika katika mkusanyiko yao, wakati baadhi yao watahitaji kusongewa. Basi ni katika adabu nzuri kwamba afanyiwe nafasi, na hilo halimdhuru mwenye kusonga akatengeneza nafasi kwa chochote, akawa huyo ndugu yake amefikia lengo lake bila ya yeye kufikiwa na madhara yoyote, na malipo ni ya aina sawa na matendo. Kwa sababu, mwenye kusonga akatengeneza nafasi, Mwenyezi Mungu anamfanyia nafasi. Na mwenye kumpanulia ndugu yake, Mwenyezi Mungu anampanulia. “Na mkiambiwa: Ondokeni” Yaani, simameni na jitengeni na mikusanyiko yenu kwa sababu ya haja fulani inayojitokeza, “basi ondokeni.” Yaani, harakisheni kunyanyuka ili kufikia masilahi hayo. Kwani, kufanya mambo hayo ni katika elimu na imani, na Mwenyezi Mungu Mtukufu huwanyanyua watu wa elimu na imani kwa daraja mbalimbali kulingana elimu ambayo [Mwenyezi Mungu] aliwapa. “Na Mwenyezi Mungu anazo habari za mnayoyatenda.” Kisha atamlipa kila mtendaji kwa matendo yake. Yakiwa ni mazuri, basi kwa uzuri. Na ikiwa ni mabaya, basi kwa ubaya. Katika Aya hii, kuna fadhila ya elimu, na pambo lake na matunda yake ni kuwa na adabu zake na kutenda kulingana na matakwa yake.