Yaseen

عَلَىٰ صِرَٰطٍ مُّسْتَقِيمٍ ۴

{4} Kisha akajulisha juu ya sifa kubwa zaidi ya Mtume – rehema na amani za Mwenyezi Mungu zimshukie – ambayo inaonyesha utume wake. Nayo ni kuwa yuko "Juu ya njia iliyonyooka" yenye kufikisha kwa Mwenyezi Mungu na nyumba ya utukufu wake. Na njia hiyo iliyonyooka inajumuisha matendo, ambayo ni matendo mema yenye kutengeneza moyo, mwili, dunia na Akhera, na maadili mema yanayotakasa nafsi, yanayosafisha moyo na kuongeza malipo. Na hii ndiyo njia iliyonyooka ambayo ndiyo sifa ya Mtume, rehema na amani za Mwenyezi Mungu ziwe juu yake, na ndiyo sifa ya dini yake aliyokuja nayo. Basi tafakari utukufu wa Qur-ani hii Tukufu. Vipi iliunganisha kati ya kuapa kwa viapo vitukufu na elimu ya Mwenyezi Mungu peke yake inatosha. Lakini Mwenyezi Mungu Mtukufu aliweka ushahidi ulio wazi na hoja za kung'aa mahali hapa, juu ya usahihi wa yale aliyoapa kwayo ya kwamba Yeye ndiye aliyemtuma Mtume wake. Jambo ambalo kwalo ametutanabahisha na akatuashiria kwa ishara bora zaidi juu ya kufuata njia yake hii.