Al-Muminoon

حَتَّىٰٓ إِذَا جَآءَ أَحَدَهُمُ ٱلْمَوْتُ قَالَ رَبِّ ٱرْجِعُونِ ۹۹ لَعَلِّىٓ أَعْمَلُ صَـٰلِحًا فِيمَا تَرَكْتُ ۚ كَلَّآ ۚ إِنَّهَا كَلِمَةٌ هُوَ قَآئِلُهَا ۖ وَمِن وَرَآئِهِم بَرْزَخٌ إِلَىٰ يَوْمِ يُبْعَثُونَ ۱۰۰

{99-100} Mwenyezi Mungu anaelezea juu ya hali ya yule ambaye amejiwa na mauti kutokana na waliovuka mipaka, madhalimu. Kuwa yeye atajuta katika hali hiyo atakapoona hatima yake, na akashuhudia uovu wa matendo yake, akataka kurejea katika dunia, siyo kwa ajili ya kustarehe kwa ladha zake na kumaliza shahawa zake. Hakika siyo lingine alisemalo kwamba "ili nipate mimi kufanya mema, niliyoacha" kutokana na matendo na katika yale niliyovuka mipaka katika maamrisho ya Mwenyezi Mungu. "Wapi!"; yaani, hakuna kurejea wala kupewa muhula, na ameshahukumu Mwenyezi Mungu kwamba wao hawatarejea duniani. "Hii ni;" yaani, maneno yake aliyosema ya kutamani kurejea duniani; "kauli aisemayo yeye tu." Yaani, kwa kutamka tuu kwa ulimi, haimfaidishi msemaji isipokuwa ni hasara na majuto, na yeye vilevile si mkweli katika maneno haya; kwani hakika yeye lau atarejeshwa duniani atafanya yale yale aliyokatazwa juu yake. "Na nyuma yao, kipo kizuizi mpaka siku watakapofufuliwa." Yaani, kutoka mbele yao na kutoka mikononi mwao kuna kizuizi, ambacho ni kizuizi kati ya vitu viwili; na hapa ni kizuizi kati ya ulimwengu na Akhera, na katika hapa Barzakh wataneemeka watiifu, na wataadhibiwa wenye kuasi tangu kufa kwao mpaka watakapofufuliwa. Yaani, basi wajiandalie maandilizi yake, na wachukue zawadi zake.