Al-Baqara

مَّثَلُ ٱلَّذِينَ يُنفِقُونَ أَمْوَٰلَهُمْ فِى سَبِيلِ ٱللَّهِ كَمَثَلِ حَبَّةٍ أَنۢبَتَتْ سَبْعَ سَنَابِلَ فِى كُلِّ سُنۢبُلَةٍ مِّا۟ئَةُ حَبَّةٍ ۗ وَٱللَّهُ يُضَـٰعِفُ لِمَن يَشَآءُ ۗ وَٱللَّهُ وَٰسِعٌ عَلِيمٌ ۲۶۱

{261} Huku ni kuhimiza kukubwa kutoka kwa Mwenyezi Mungu kwa waja wake juu ya kutoa mali zao katika njia yake. Nayo ni njia yake inayofikisha kwake. Kwa hivyo, inaingia katika hili kutoa kwake kwa ajili ya kukuza elimu zenye manufaa. Na katika kutayarisha jihadi katika njia yake, na katika kujitayarisha na kuwaandaa wale wanaopigana katika Jihadi, na katika miradi yote ya heri yenye manufaa kwa Waislamu. Kisha hilo linafuatwa na kuwapa wenye mahitaji, na mafakiri, na masikini. Na inawezekana mambo mawili haya kukutana, basi ikawa katika kutoa kuna kuondoa mahitaji na kusaidia katika heri na utiifu. Kwa hivyo, kutoa huku kwa ajili ya matumizi kunazidishwa kuzidisha huku mara mia saba hadi zaidi ya hapo. Na ndio maana akasema, “na Mwenyezi Mungu humzidishia amtakaye.” Na hilo ni kulingana na yale yaliyomo katika moyo wa mtoaji ya imani na ikhlasi kamili, na katika matunda ya aliyotoa kwa ajili ya matumizi na manufaa yake. Kwa maana, baadhi ya njia za heri, matokeo ya kutoa matumizi katika hizo huwa yenye manufaa ya kuendelea, na masilahi mbalimbali. Basi yakawa malipo ni ya aina sawa na matendo.