Al-Baqara

رَبَّنَا وَٱجْعَلْنَا مُسْلِمَيْنِ لَكَ وَمِن ذُرِّيَّتِنَآ أُمَّةً مُّسْلِمَةً لَّكَ وَأَرِنَا مَنَاسِكَنَا وَتُبْ عَلَيْنَآ ۖ إِنَّكَ أَنتَ ٱلتَّوَّابُ ٱلرَّحِيمُ ۱۲۸

(128) Na walijiombea nafsi zao na vizazi vyao kwamba wawe Waislamu. Ambao uhakika wake ni kunyenyekea moyo na kufuata kwake Mola wake Mlezi, ambako kunajumuisha kufuata kwa viungo. "Na utuonyeshe njia za ibada yetu," yani tufundishe hayo kwa njia ya kuonyesha na kushuhudia, ili iwe yenye kuathiri zaidi. Na inawezekana kwamba kinachokusudiwa na manasik ni matendo yote ya Hijja, kama inavyoashiriwa na muktadha na mahali. Na inawezekana kwamba kinachokusudiwa ni cha jumla zaidi ya hilo, nacho ni dini yote na ibada zote mbalimbali; kama inavyoashiriwa na ujumla wa neno hili. Kwa sababu, nusuk ni kuabudu, lakini limetumika sana kidesturi katika ibada mbalimbali za Hijja. Kwa hivyo, yanakuwa matokeo ya dua yao ni yenye kurudi kwa kuwezeshwa kuwa na elimu yenye manufaa na matendo mema. Na kwa vile mja, hata aweje, ni lazima apatwe na mapungufu na ahitaji kutubia, akasema, "na utusamehe. Bila shaka, Wewe ndiye Mwenye kusamehe, Mwenye kurehemu."