Al-Hujuraat
This is a translation of Tafsīr as-Saʿdī as IslamHouse.com publishes it at saadi.islamenc.com, read from that site’s pages. The site does not say who translated it or which printed edition it follows, and states no terms for taking its text, so the right to show it is not verified. Nobody has compared it with a printed book, and no scholar has reviewed it. Each passage stands beside the verses it comments on, which are the Qur’ān text of Tanzil, shown as it is there; a verse the site gives no commentary of its own stands with the passage before it, and the index names each such verse. Sabīl did not write or translate any of it.
Text fromsaadi.islamenc.comIslamHouse.comnone stated (the site names no licence and no terms for taking its text)taken 2026-10-22
وَٱعْلَمُوٓا۟ أَنَّ فِيكُمْ رَسُولَ ٱللَّهِ ۚ لَوْ يُطِيعُكُمْ فِى كَثِيرٍ مِّنَ ٱلْأَمْرِ لَعَنِتُّمْ وَلَـٰكِنَّ ٱللَّهَ حَبَّبَ إِلَيْكُمُ ٱلْإِيمَـٰنَ وَزَيَّنَهُۥ فِى قُلُوبِكُمْ وَكَرَّهَ إِلَيْكُمُ ٱلْكُفْرَ وَٱلْفُسُوقَ وَٱلْعِصْيَانَ ۚ أُو۟لَـٰٓئِكَ هُمُ ٱلرَّٰشِدُونَ 7
{7} Yaani: Ifahamike kwenu kwamba ''Mtume wa Mwenyezi Mungu'' - rehema na Amani zimshukie - yumo miongoni mwenu, naye ni Mtume mtukufu, mwema na mwongofu, ambaye anawatakia heri na anawanasihi mazuri, nanyi mnajitakia maovu na madhara asiyowakubalieni Mtume. ''Lau angeliwatii katika mambo mengi," basi ingeliwawiya vigumu na mngetaabika, lakini Mtume anawaelekezeni sawasawa, naye Mwenyezi Mungu anawafanya kuipenda ''imani'' na kuipamba ''katika nyoyo zenu'' kwa yale aliyoyaweka ndani ya nyoyo zenu ya kuipenda haki na kuipendelea, na kwa yale aliyoiwekea haki miongoni mwa ushahidi na hoja zenye kuonyesha usahihi wake na kukubaliwa na nyoyo na maumbile ya asili, na pia yale ambayo Yeye Mtukufu anawafanyieni ya kuwapa mafanikio na kurejea kwake. Na akawafanya kuchukia "ukafiri, na kutoka nje ya mipaka;" yaani, madhambi makubwa "na uasi" yaani, madhambi madogo. Hayo ni kwa sababu ya kuchukia uovu na kutoutaka ambako Mwenyezi Mungu aliweka katika nyoyo zenu, na kwa sababu ya ushahidi na hoja alizoweka zenye kuonyesha ubovu wake, madhara yake na kutokubaliwa kwake na maumbile ya asili, na kwa sababu ya kuyachukia ambako Mwenyezi Mungu aliweka katika mioyo. "Hao;" yaani, wale ambao Mwenyezi Mungu amewapambia imani katika nyoyo zao na akawafanya kuipenda, na akawafanya kuchukia ukafiri, kutoka nje ya mipaka na uasi "ndio walioongoka." Yaani, wale ambao elimu zao na vitendo vyao vilitengenea, na wakashikamana na Dini iliyo madhubuti na njia iliyonyooka. Na kinyume chao ni wapotofu ambao walifanywa kupenda ukafiri, kuvuka mipaka na uasi, na wakafanywa kuchukia imani, kwani dhambi na sababu ya hayo ilikuwa ni yao. Kwa sababu walipovuka mipaka, Mwenyezi Mungu akaziba ya nyoyo zao, na walipokengeuka, Mwenyezi Mungu akazipotosha nyoyo zao, na pindi hawakuamini Haki ilipowajia mara ya kwanza, Mwenyezi Mungu akageuza mioyo yao.