Al-An'aam

وَلَوْ جَعَلْنَـٰهُ مَلَكًا لَّجَعَلْنَـٰهُ رَجُلًا وَلَلَبَسْنَا عَلَيْهِم مَّا يَلْبِسُونَ ৯

{9} Na pamoja na hayo, ikiwa Malaika angeteremshwa kwao, hawangeweza kupokea kutoka kwake, wala hawangeweza kustahimili hilo, wala uwezo wao unaoisha haungeweza hilo. "Na kama tungelimfanya Malaika, bila ya shaka tungelimfanya kuwa mwanamume" kwa sababu hekima haitaki isipokuwa hilo; "na tungeliwatilia matatizo yale wanayoyatatiza wao." Yaani, jambo hilo lingeliwachanganya, na hilo ni kwa sababu walivyojichanganya wenyewe. Kwa maana Walijenga mambo yao juu ya kanuni hii ambayo ina mkanganyiko na kutobainisha haki. Na haki ilipowajia kwa njia zake sahihi na kanuni zake, ambazo ndizo kanuni zake halisi, hilo halikuweza kuwaongoa huku wengine wakiongoka kwalo. Na dhambi ni yao wenyewe kwa sababu walijifungia wenyewe milango ya uwongofu na wakajifungulia milango ya upotovu.