Al-An'aam

قُلْ مَن يُنَجِّيكُم مِّن ظُلُمَـٰتِ ٱلْبَرِّ وَٱلْبَحْرِ تَدْعُونَهُۥ تَضَرُّعًا وَخُفْيَةً لَّئِنْ أَنجَىٰنَا مِنْ هَـٰذِهِۦ لَنَكُونَنَّ مِنَ ٱلشَّـٰكِرِينَ ৬৩

{63} Yaani: "Sema," uwaambie wale wanaomshirikisha Mwenyezi Mungu, wanaoomba pamoja naye miungu mingine, ukiwalazimisha kwa yale waliyoyathibitisha ya kumpwekesha Mwenyezi Mungu katika Umola wake kwa yale waliyoyakanusha ya kumpwekesha katika Uungu. "Ni nani huwaokoa kutoka katika giza mbalimbali la nchi kavu na baharini?" Yaani, shida zake na ugumu wake, na wakati inaposhindikana au inakuwa vigumu njia ya kufanya hila. Basi mkawa mnamwomba Mola wenu Mlezi kwa moyo ulionyenyekea na ulimi ambao hauachi kusema haja yake katika dua, na mnasema huku mkiwa katika hali hiyo: "Akituokoa tu kutoka katika hili," la ugumu ambao tuko ndani yake, "bila shaka tutakuwa miongoni mwa wenye shukrani" kwa Mwenyezi Mungu. Yaani, wale wanaoikubali neema yake, na wanaoiweka kumtii Mola wao Mlezi, wale walioihifadhi ili wasiitumie katika kumuasi.