Al-An'aam

وَمَا ٱلْحَيَوٰةُ ٱلدُّنْيَآ إِلَّا لَعِبٌ وَلَهْوٌ ۖ وَلَلدَّارُ ٱلْـَٔاخِرَةُ خَيْرٌ لِّلَّذِينَ يَتَّقُونَ ۗ أَفَلَا تَعْقِلُونَ ৩২

{32} Huu ndio uhakika wa dunia na uhakika wa akhera. Ama uhakika wa dunia, hiyo ni mchezo na pumbao. Ni mchezo katika miili, na pumbao katika nyoyo. Mioyo inauchezea, nafsi inaupenda sana, wasiwasi zimeshikamana nao, na kujishughulisha nao ni kama mchezo wa mtoto. Na ama akhera; hiyo ni "bora zaidi kwa wanaomcha Mwenyezi Mungu, ni bora hiyo yenyewe na katika sifa zake, na kubaki kwake, na kudumu kwake. Na ndani yake kuna yale yanayotamaniwa na nafsi na macho yanayafurahia; katika neema za nyoyo na roho, na wingi wa furaha, lakini si kwa kila mtu, bali ni kwa wachamungu, wanaotekeleza amri za Mwenyezi Mungu, na wanaacha makatazo yake na makemeo Yake. "Basi je! Hamtumii akili?" Yaani; je, hamna akili ambayo kwayo mnaweza kutambua ni gani kati ya hizi nyumba mbili ndiyo inayostahiki zaidi kupendelewa?