At-Tur

أَمْ لَهُمْ إِلَـٰهٌ غَيْرُ ٱللَّهِ ۚ سُبْحَـٰنَ ٱللَّهِ عَمَّا يُشْرِكُونَ ৪৩

{43} "Au wanaye mungu asiye kuwa Mwenyezi Mungu?" Yaani, je, wanaye mungu anayetarajiwa, ambaye yanatarajiwa manufaa yake na kuhofiwa madhara yake badala ya Mwenyezi Mungu? "Subhanallah (Ametakasika Mwenyezi Mungu) mbali na hao wanaowashirikisha naye." Yeye hana mshirika katika ufalme, wala hana mshirika katika umoja wake wala ibada zake. Na haya ndiyo yaliyokusudiwa katika maneno haya, nayo ni ubatili wa kuabudu kitu kingine chochote mbali na Mwenyezi Mungu, na kueleza uharibifu wake kwa hoja hizi za kukata kabisa, na kwamba hayo wayafanyayo washirikina ni batili, na kwamba yule anayepaswa kuabudiwa, kuswalia, kusujudia, na kutakasia dua ya ibada na dua ya kutaka kitu ni Mwenyezi Mungu, afanyiwaye uungu wa kweli, muabudiwa wa kweli, mkamilifu wa majina na sifa, mwingi wa sifa nzuri nyingi na matendo mazuri, mwenye heshima, ukarimu, na nguvu isiyoshindika, Mmoja, wa Pekee, Mkusudiwa, Mkubwa, Msifiwa mno, Mtukufu.